Burgemeester stel mikpunte en prioriteite vir die “eerste 100 dae”

Dit is drie van die tien prioriteite vir die eerste 100 dae van die nuwe termyn wat Uitvoerende Burgemeester Paul Swart Maandag, 22 November tydens die eerste vergadering van die nuwe Raad, in sy heel eerste boodskap aan die inwoners van Kaap Agulhas, deurgee het.

Die 100 dae termyn loop in Aprilmaand ten einde en as almal saamwerk, is dit glad nie onmoontlik om teen Aprilmaand, wanneer die 100 dae mikpunt voor die deur sal staan, hierdie mikpunt te bereik nie.

Dieselfde mense wat rommel strooi en wat onwettig vullis, tuinvullis en boumateriaal hier daar en oral weggooi en agterlaat, kan - om mee te begin - na die tafel kom en self 'n handjie bysit. Dieselfde geld vir rondloperdiere - met die slaggate sal meer deskundige hulp en meer hande egter nodig wees.

Benewens hierdie drie prioriteite, was die volgende sewe prioriteite - miskien effens minder opsigtelik, maar nie minder belangrik nie - ook op die tafel gesit:

1. Die implementering van 'n professionele “call centre” binne die munisipaliteit om te help met die invordering van uitstaande skuld van die munisipaliteit.

2. ‘n Versoek dat die Munisipale Bestuurder 'n werkbare plan op die tafel plaas om die munisipaliteit se groeiende salaris rekening aan te spreek en in lyn te bring met die grootte van die munisipaliteit.

3. Die skep van 'n plan om, wat bekend staan as die “werkskultuur” van amptenare en raadslede, te verbeter.

4. Om by die eerste Raadsvergadering die beleid aan te spreek om plaaslike sakemense en kontrakteurs te bemagtig om kontrakte binne Kaap Agulhas self te doen.

5. Die sigbaarheid van die “Patrol Officers” moet in elke gemeenskap verskerp word as deel van een van die langtermyn prioriteite naamlik: die skep van 'n veiliger leefwêreld vir inwoners van die subdistrik.

6. Die installering van spoedkameras en 'n plan om die dissipline van padgebruikers aan te spreek, te verbeter en te herstel.

7. Die beplanning en aanbied van 'n strategiese sessie met die tema: “Renewed Hope through Real Innovation”. Op Afrikaans: Die skep van Hernude Hoop deur middel van wat bekend staan as Werklike of Daadwerklike Innovasie.

Indien die raad, wat tydens die boodskap van Pastoor Mageni aan die Raad en gemeenskap deurgegee is wel ter harte geneem word, naamlik om saam te werk tot voordeel van almal, sou al hierdie prioriteite wel binne die eerste honderd dae bereik kan word of tenminste stewig op koers geplaas kan word.

Ora Laubscher