Gelukkig is almal wat....

Gelukkig is almal wat....

Gansbaai Courant

“Geseënd is dié wat weet hoe afhanklik hulle van GOD is, want aan hulle behoort die koninkryk van die hemel.”

(Mat. 5:3 – 1983 Vertaling)

Dalk ken jy hierdie volgende vertaling van Matteus 5:3:

“Salig is die wat arm van gees is, want aan hulle behoort die koninkryk van die hemele.” (Mat 5:3 - 1953 –Vertaling)

Of die vertaling in Die Boodskap: “Gelukkig is almal wat van GOD se goedheid en sorg afhanklik is. Hulle sal definitief ’n plek kry in Sy nuwe wêreld.”

Dit maak nie saak watter vertaling jy van die Bybel, GOD se Woord,  lees nie: Jy is op soek na GOD se wil en jy wil gelukkig wees, geseënd wees. (“Blessed are the poor in spirit: for theirs is the kingdom of heaven.”  (Mat 5:3 – King James) O, hoe soek ons nie geluk in die daaglikse, aardse dinge nie. Ons dink baie geld kan ons gelukkig maak – dalk kan dit vir ’n kort rukkie ons tevrede laat voel, maar gou ontdek ons geld is nie alles nie. Ook nie ’n mooi motor, ’n spoggerige huis of die beste selfoon nie! Een mooi oggend word elkeen van ons wakker en dan ervaar ons hierdie gat in ons lewe. En Jesus weet dit. Daarom begin Hy Sy eerste groot preek op aarde met die volgende woorde: “Geseënd is dié wat weet hoe afhanklik hulle van GOD is, want aan hulle behoort die koninkryk van die hemel.” (Mat. 5:3)

Hierdie vers is die deur na ware lewensgeluk. As jy werklik geseënd wil lewe moet jy besef:

In hierdie wêreld is ek eintlik baie arm as ek nie leer om van GOD afhanklik te wees nie!

Dit is die basiese beginsel van GOD se koninkryk. Armoede. Ja, jy het reg gelees. Armoede. Dié mens wat besef dat niks jou kan ryk maak, nie geld of goed, vriende of die regte werk  nie, net ’n oorgawe aan GOD, kan jou werklik gelukkig maak! Dit is wat arm van gees beteken. Om te weet jy is arm op hierdie aarde lewe – maar ryk as jy GOD ken. Daar is niks wat jou groter geluk, bevrediging kan gee as dat jy weet jy ken Jesus as jou Verlosser nie. Om daagliks in ’n intieme verhouding met Jesus te lewe, waar jy met Hom gesels oor jou pyn, jou geluk, ja, alles wat jy aan kan dink – dit is geluk! Dit is oorgawe aan GOD!

Hoe kry ons hierdie ware geluk? GOD gee dit aan jou deur Sy Heilige Gees! Van die oomblik wat jy hierdie nuwe lewe (wedergeboorte) van GOD af kry (Hy gee dit!) – ja, die oomblik toe jy Jesus as jou persoonlike Verlosser aanvaar het en Sy Naam bely het – het hierdie pad van geluk begin. Dis is ’n pad wat jy moet stap. Tree vir tree. Woord vir woord. Lees GOD se Woord. Bid vir leiding. Word stil. Luister. Lees weer Sy Woord. Gee oor aan GOD. Ervaar Sy vrede. Gee alles oor. GOD weet die beste. GOD is geluk! Jy is geseënd!

Gelukkig is almal wat....

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
African Penguin Awareness Day

African Penguin Awareness Day

Celebrating African Penguin Awareness Day.

Legal Snippets

Legal Snippets

FAILING TO DISCLOSE OR PUBLISH YOUR COMPANY'S STATUS ON CORRESPONDENCE AND ELECTRONIC COMMUNICATION.

Richards Attorneys
Bio-Curcumin Now Available

Bio-Curcumin Now Available

Bio-Curcumin now available at Tranquility Wellness Spa!

Great Review

Great Review

One for Gansbaai and its PEOPLE.

Blue Goose
Blue Flag Status for Marine Dynamics & Dyer Island Cruises Vessels

Blue Flag Status for Marine Dynamics & Dyer Island Cruises Vessels

Blue Flag status for Marine Dynamics and Dyer Island Cruises for the second year running...

See All Articles