Gansbaai Courant

Verstrengelde Swarttobie

Verstrengelde Swarttobie

Gansbaai Courant

‘n Hartseer foto van ‘n verstrengelde swarttobie is onlangs op Franskraalstrand naby die Mond deur Callie Lotz van Perlemoenbaai geneem. Hulle het gaan stap en op dié tragiese gesig afgekom. Vele is al geskryf oor die dodelike skade wat deur vislyn, hoeke en dies meer aangerig kan word. Vir dié doel het Dyer Island Conservation Trust al baie moeite gedoen. Onder andere het hulle op etlike plekke langs hierdie omgewing se kuslyn netjiese vislynhouers (fishing line bins) aangebring om mense aan te moedig om nie hulle afval vislyn, hoeke en gewiggies rond te strooi nie. Ongelukkig gebeur dit steeds dat sodanige items die kuslyn ontsier, maar ook ‘n dodelike gevaar vir seevoëls en ander seediere skep. Die Swarttobie (Haematopus moquini) (Engels: African Oystercatcher) is die tweede skaarste voël in Suid-Afrika. Die swarttobie is ‘n pragtige, pikswart voël met ‘n kenmerkende oranje snawel en oogringe, asook dowwe pienk beentjies. Dit is uitsluitlik ‘n kusvoël wat langs enige kuslyn aangetref word en hulle kom gewoonlik in pare voor, maar soms ook in klein swerms. Die swarttobie was ernstig bedreig, maar bevolkings is besig om te herstel deurdat voertuie nie meer op Suid-Afrikaanse strande toegelaat word nie. Die grootste bedreiging is die feit dat die wyfie haar eiers op die strand lê, wat deur voertuie beskadig is. Die mediterreense mossel dien as hoofvoedselbron vir dié voëls. Vir hulpverlening ten opsigte van beseerde seevoëls of -diere, kan Alouise Lynch van DICT by 082-907-5607 skakel, of stuur ‘n e-pos aan haar by 0ffice@dict.org.za. Besoek gerus ook DICT se webtuiste by www.dict.org.za vir meer inligting oor die groot bewaringstaak wat deur hulle vervul word.

Hardus Botha

Foto 1: Die tragiese foto van ‘n verstrengelde swarttobie wat onlangs op Franskraalstrand afgeneem is.

Foto 2: Die handige Vislynhouer (fishing line bin)  wat op etlike plekke op hierdie omgewing se kuslyn deur Dyer Island Conservation Trust aangebring is

 

Verstrengelde Swarttobie

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant