Gansbaai Courant

Bewaringsnuus

Bewaringsnuus

Gansbaai Courant

Te oordeel aan die positiewe beriggewing in Whale Coast Conservation (WCC) se kleurvolle Nuusbriewe wat maandeliks via e-pos versprei word, gaan dit voor die wind met hulle bewaringsinisiatiewe. WCC het voorheen as die Overstrand Conservation Foundation (OCF) bekendgestaan en hulle fokus op aktiewe bewarings-aksies in die Cape Whale Coast gebied van die Wes-Kaap.

Hulle aktiwiteite beslaan 4 fokus-areas, elk met sy eie strategiese doelwitte: Eco-Learning; Eco-Living; Eco-Community; Eco-Management (including Eco-advocacy & Eco-watch). Dan word daar ook baie aandag aan Eko-skole Programme gegee en hulle word as die grootste Eko-skool skakel (28 geregistreerde Eko-skole) beskou, met 7 hoogs-opgeleide koördineerders.

Een van die groot rolspelers is dr Anina Lee, Kommunikasiebestuurder en ook verantwoordelik vir die maandelikse Nuusbrief.

Hierdie kleurvolle Nuusbrief is baie insiggewend en propvol interessante aktiwiteite wat aangebied word, en is ook gevul met verslae van suksesvolle aanbiedinge en gebeure wat plaasgevind het. Daarmee saam is daar ook gereeld uitnodigings vir die bywoon van aanbiedinge in die bekende Green House buite Hermanus. Die aanbieders in hierdie gevalle is deurgaans hoogs-bekwame mense in hul onderskeie bewarings- en ander gespesialiseerde velde. Onlangse gebeure en aanbiedinge wat op ‘n kleurvolle wyse in WCC se Nuusbriewe uitgelig is, is onder andere Aarddag, Energie-oplossings, Sonkrag-stelsels, ‘n gesprek oor heuningbye se belangrike rol, klimaat-aangeleenthede, verskeie skole- en bewaringsaktiwiteite en veel meer. Beriggewing in die Nuusbrief is insiggewend en word met kleurvolle foto’s geïllustreer - beslis die moeite werd vir enige bewaringsbewuste om te lees. Op Woensdag, 25 Junie om 16:30 (wintertyd) is daar weer ‘n aanbieding in die Green House deur John Duncan, Senior Bestuurder: Marine Programme rakende die status van mariene visserye en toekomsprojekte.

Vir volledige inligting, lidmaatskap en/of vir die ontvangs van die maandelikse Nuusbrief, kan hulle webtuiste by www.whalecoastconservation.org.za besoek word, of skakel 028-316-2527 of stuur 'n e-pos aan hulle by wcc@ocf.org.za. Vir bewaringsbewustes sal kontak met die WCC ‘n groot aanwins wees.

Hardus Botha

 Foto: Dr Anina Lee van Whale Coast Conservation

Bewaringsnuus

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant