Gansbaai Courant

87% van Wes-Kaapse Graad 4 meisies teen die ontwikkeling van MPV verwante servikskanker beskerm

87% van Wes-Kaapse Graad 4 meisies teen die ontwikkeling van MPV verwante servikskanker beskerm

Gansbaai Courant

Wes-Kaapse Regering Gesondheid kan bevestig dat 87% van graad 4-meisies wat staatskole en skole vir spesiale behoeftes in die Wes-Kaap bywoon die eerste dosis ontvang het van die entstof wat die ontwikkeling van Menslike Papilloomvirus-verwante (MPV-verwante) servikskanker voorkom. Die tweede dosis sal gedurende die tweede ronde van die veldtog toegedien word, wat geskeduleer is om vanaf 29 September tot 31 Oktober 2014 plaas te vind.  

Daar is 1 099 laerskole in die Wes-Kaap waarvan 98% deur die veldtogspanne besoek is. Die oorblywende 2% bestaan uit skole waar daar net seuns is, of skole waar daar tans nie enige graad 4-meisies is nie. Altesame 42 286 meisies het die entstof ontvang teen ’n koste van R206,70 per meisie. 

Die nasionale Departement van Gesondheid het voorsiening gemaak vir die 13% meisies wat in aanmerking kom wat nie die entstof in die eerste ronde ontvang het nie om ’n geleentheid te kry om dit in die tweede ronde te ontvang. Hierdie meisies se ouers of versorgers sal ’n toestemmingsbrief deur die skool ontvang.  

Die Wes-Kaapse Minister van Gesondheid, Theuns Botha, het gesê: “Dit is ’n baie bevredigende uitslag, gegewe dat hierdie ’n nuwe enstof is en dat dit die eerste keer is dat die enstof deur staatsgesondheid beskikbaar gestel is.”

MPV is die virus wat servikskanker veroorsaak. Die entstof beskerm die meisie teen MPV-infeksie, en verminder dus die risiko om MPV-verwante servikskanker later in haar lewe te ontwikkel. Servikskanker is die kanker wat die tweede meeste by vroue voorkom naas borskanker.  

Vir meer inligting in al drie amptelike tale van die Wes-Kaap, besoek asseblief die volgende skakel:

http://www.westerncape.gov.za/general-publication/frequently-asked-questions-about-human-papillomavirus-hpv

87% van Wes-Kaapse Graad 4 meisies teen die ontwikkeling van MPV verwante servikskanker beskerm

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant