Gansbaai Courant

Seniors geniet Dillon

Seniors geniet Dillon

Gansbaai Courant

Die inwoners van Herberg-aan-See (HaS), hoofsaaklik dierbare senior “tannies”, het die optrede van Dillon Lerm in die ontspanningsaal terdeë geniet. Dillon het sommer groot applous na elke lied wat hy gesing het ontvang.

“Hester Venter het my kom sien en gesê sy voel geroepe om ‘n fondsinsamelingsprojek vir die Tehuis te reël,” vertel John van Rooyen, Bestuurder: HaS. “Ek was maar té dankbaar oor haar voorstel om Dillon Lerm te nooi vir ‘n optrede en die aand was ‘n groot sukses.” Tydens Dillon se gratis oggend-optrede by HaS, het hy met die tong-in-die-kies begin deur te sê hy moet tog nie verkeerdelik met sy “tema-lied gejudge” word nie, en toe sing hy tot groot vermaak van almal: “All the girls I’ve loved before”!

Dillon het reeds die oggend al bewys waarom hy groot opgang in die musiekwêreld gemaak het. Sy spontane optrede en sing-stap tussen die bejaardes rond, is baie goed ontvang. Hy het hom ook nie laat afsit deur ‘n stukkende mikrofoon nie en het summier dorp toe gery en ‘n ander een gaan koop. Monique Pool agter Dillon se klanksisteem het haarself eweneens goed van haar taak gekwyt. Saterdagaand se optrede is eweneens terdeë geniet en is redelik goed bygewoon, maar dit kon beter gewees het, met Gansbaai se Goue Hande wat vir ‘n “smaaklike” pouse gesorg het.

John hou graag die volgende bedankings voor: Hester Venter vir haar groot ywer met die reëlings en verkoop van kaartjies, die Goue Hande, Anita Botha en Marlene van Rooyen vir die pragtige en musiek-gepaste opmaak van die saal, die ondersteuners wat opgedaag het en dan ook veral die “vele” donateurs wat almal ruim tot die aand se sukses bygedra het.

Hardus Botha

Foto 1: Dillon Lerm (middel) by ‘n deel van HaS se opgewonde inwoners tydens sy optrede daar, met regs van hom Hester Venter en haar dogter, Louise Geldenhuys links van hom.

Foto 2: Dillon in aksie.

Seniors geniet Dillon

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant