Gansbaai Courant

Blog: Roman oor die nuwe Suid Afrika

Published: 24 July 2014
By:Gansbaai Courant

Die Overbergse skrywer, Piet Schoombie, se jongste boek Vreemdeling in my Vaderland, is pas gepubliseer.

Dit is die skrywer se vyfde publikasie en handel oor baie Suid-Afrikaners se wroeging met die vraag of hulle moet ry of bly. Die meeste lesers sal bekend wees met die realiteit van korrupsie, misdaad en moord in dié boeiende verhaal.

Dit handel oor 'n jong siviele ingenieur wat, as gevolg van regstellende aksie en swart ekonomiese bemagtiging, sukkel om 'n werk in SA te kry.

Gelukkig is sy kundigheid in die buiteland sterk in aanvraag en hy ontvang verskeie gunstige werksaan-biedinge.

Sy besluit of hy oorsee moet gaan al dan nie, word egter bemoeilik deur sy liefde vir en lojaliteit teenoor sy vaderland.

Dié verhaal het allermins ten doel om SA in 'n oordrewe swak lig te stel. Inteendeel, daar word gepoog om die heersende omstandighede in die land lewensgetrou voor te stel en 'n gebalanseerde beeld van die politieke en sosiale spektrum weer te gee.

Positiewe aspekte van versoening en samewerking tussen karakters uit verskillende bevolkingsgroepe kom ook in die verhaal na vore.

Die boek is by Gansbaai Book Exchange en by www.groep7-selfpublish-books.co.za verkrygbaar.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...