Gansbaai Courant

Stortinsterrein Lig in die tonnel

Stortinsterrein Lig in die tonnel

Gansbaai Courant

 “Uiteindelik is daar lig in die tonnel. Daar word tans ‘n huurooreenkoms tussen Overberg Distriksmunisipaliteit en Overstrand Munisipaliteit onderhandel waarvolgens Overstrand Munisipaliteit ‘n nuwe sel by Karwyderskraal sal bou en die terrein sal op eie koste bestuur word,” sê Johan van Taak, Bestuurder: Vaste Afval. “Die tender-proses is reeds voltooi, ‘n kontrakteur is aangestel en Karwyderskraal sal weer teen April 2015 operasioneel wees.” Overstrand Munisipaliteit sal die nuwe sel bestuur totdat die kapasiteit ten volle benut is, waarna die Overberg Distriksmunisipaliteit weer die toesig sal oorneem. Gansbaai Courant het etlike briewe van besorgde inwoners oor die stand van sake met Gansbaai se stortingsterrein ontvang. Deel van die navrae was ook oor AfriForum se vullisterrein-oudit. ‘n Sertifikaat van waardering is aan Overstrand Munisipaliteit met betrekking tot Karwyderskraal oorhandig. “Ten tye van die oorhandiging van die sertifikaat het die Overstrand Munisipaliteit versoek dat die rol wat die Overberg Distriksmunisipaliteit vervul, erken moet word in die persverklaring wat deur AfriForum uitgereik sou word. Karwyderskraal is gesluit vir huishoudelike vullis, maar ontvang steeds tuinafval en bourommel. Dit word steeds deur die Overberg Distriksmunisipaliteit bestuur en bedryf in ooreenstemming met die lisensievoorwaardes, met die Overstrand Munisipaliteit as die grootste kliënt.” Met die tydelike sluiting van Karwyderskraal in Desember 2011, moes daar vinnige planne beraam word om Overstrand Munisipaliteit se vullis na ‘n wettige stortingsterrein te herlei. Kleinmond en Hermanus se vullis, wat altyd na Karwyderskraal vervoer is, moes na Gansbaai se stortingsterrein geneem word. In die middel van ‘n boekjaar moes daar berekenings gemaak word en ook met Enviroserv (kontakteur vir die vervoer van Overstrand se vaste afval) onderhandel word, aangesien die vervoer-afstande drasties vergroot het. "Al die vaste afval moes na Gansbaai se stortingsterrein vervoer word, wat wel oor ‘n wettige permit beskik het om al die vullis te kon akkommodeer," het Johan gesê. “As gevolg van die groot hoeveelheid vullis wat na Gansbaai vervoer is, moes daar nog selle gebou word, wat verder tot ekstra kostes bygedra het. Die omwenteling was nie alleen ongerieflik vir sommige inwoners van Gansbaai nie, maar die smal pad tussen Hermanus en Gansbaai het die vervoer van die vullis bemoeilik en opeenhoping van verkeer veroorsaak.” Enviroserv het drie trokke wat drie keer per dag vullis vanaf Kleinmond en Hermanus na Gansbaai aanry. Op die vraag hoe lank Gansbaai se stortingsterrein nog geskik vir gebruik sal wees, het Johan gesê minstens 18+ jaar, indien slegs Gansbaai en Stanford se vullis daar gestort word.  

Hardus Botha

Stortinsterrein Lig in die tonnel

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant