Gansbaai Courant

Oud Stasiebevelvoerder vang dief self

Oud Stasiebevelvoerder vang dief self

Gansbaai Courant

 ‘n Oud-Stasiebevelvoerder van Gansbaai, André Moolman (71), se fiets is onlangs gesteel, maar die sondebok het hom met hierdie op-en-wakker geharde oud-polisieman misgis. André, wat baie lief is om met sy bekende geel fiets veral in die hawe te ry, terwyl hy ook ‘n gereelde stapper is, vertel dat hy weer onlangs in die hawe gestap het. ‘n Man op ‘n fiets het sy aandag getrek en met sy “polisie-mind” was hy daarvan oortuig dat dit sy fiets was. Tuis aangekom het hy sy fiets by die agterdeur gesoek en, soos hy vermoed het, was dit skoonveld. Hy en sy eggenote, Nellie spring toe dadelik in sy bakkie om na sy fiets te gaan soek. By Gansbaai Marine sien hy die man met sy fiets wat ewe rustig na die see staar. Die man het arrogant gesê dit is sy fiets, maar dis net daar waar die polisiebloed in sy are begin vloei en hy “arresteer” die man net daar en sorg dat hy vinnig agter in die bakkie se kappie inkom. “Ek sê toe vir Nellie om polisietasie toe te ry, ek sal met die fiets agternakom,” vertel André. Die kappie, wat se deur nie van binne af oopgemaak kan word nie, word toe sowaar deur die “gearresteerder” opgeforseer. “Die man was so glibberig soos ‘n slang, maar nie vinnig genoeg nie en ek het hom teruggeprop, terwyl Nellie die polisie skakel. “Die polisie was naby in die omgewing en het baie vinnig by ons opgedaag en die man in die vangwa gelaai,” sê André. “Ek is tevrede en het my fiets teruggekry.” Tot en met 1989 was André Gansbaai SAPD se Stasiebevelvoerder. “Dit was in ‘n tydvak waar ons bykans nie geweet het wat is ernstige misdaad in Gansbaai nie,” vertel hy. “Maar vandat ons hier woon, het hulle minstens vier keer by ons ingebreek en, kan jy glo, een van die vorige inbrekers wat gevang is, is die bylmoordenaar van Nugget.”

Hardus Botha

Oud Stasiebevelvoerder vang dief self

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant