Gansbaai Courant

Blog: Haaiboottragedie-span mag appelleer

Published: 26 February 2015
By:Hardus Botha

Die eienaars van die haaikykboot, Shark Team van White Shark Projects, het op Maandag, 23 Februarie 2015 verlof tot appél ontvang in die hofuitspraak teen hulle. Die saak spruit voort uit die tragedie op 13 April 2008 toe die haaikykboot naby Dyer Eiland omgeslaan het en Chris Tallman een van drie toeriste was wat verdrink het. Chris se eggenote, Sarah het ‘n eis ten bedrae van sowat R50m ingestel. Sy het aangevoer dat daar nie genoeg gedoen is om die ongeluk te voorkom nie, en/of dat daar nie behoorlik seker gemaak is dat alle passasiers gered sou kon word nadat die boot omgeslaan het nie. Hierdie aantygings is deur Grant Tuckett en White Shark Projects ontken. Die hofsaak is destyds beskou as ‘n saak wat onder andere die perke van vrywaringsvorms, wat vooraf onderteken word, gaan toets. Daar was 19 mense aan boord toe die 11m boot onverwags deur ‘n reuse brander, wat skielik tussen die 2m hoë deinings opgedoem het, getref is. In Desember verlede jaar het waarnemende regter Alec Freud in die Wes-Kaapse hooggeregshof beslis dat Grant Tuckett, wat destyds die skipper was, nalatig was omdat hy onder andere nie na die deinings opgelet het nie. Die hof het ook bevind dat die nodige stappe nie gedoen is om te verseker dat die passasiers uit die water gered is nie. ‘n Datum vir die appélaansoek in Bloemfontein sal later bepaal word.

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...