Gansbaai Courant

Wrede Moord

Wrede Moord

Gansbaai Courant

Op Woensdag, 4 Maart 2015 omstreeks 21:40 is ‘n 55 jarige man, Mziwosolo Lawrence Vuka, aangeval en op ‘n wrede wyse deur 4 mans met stokke bykans papgeslaan, wat kort daarna tot sy dood in Hermanus Hospitaal gelei het. Die tragedie het op die grondpad gedeelte van die nuwe pad tussen Kleinbaai en Franskraal afgespeel.

Hy is eers in die veld langs die pad geslaan, waarna hy weggehardloop het en oor die heining in die rigting van die grondpad gespring het. Hy is meedoënloos ingehardloop en verder geslaan. 

 

Met stokke doodgeslaan

 

Aldus ‘n mediaverklaring wat deur AO Wynand le Roux van Gansbaai SAPD uitgereik is, het die 4 verdagtes geëis dat die man perlemoen wat vermoedelik in sy besit was, aan hulle moes oorhandig. Kort daarna het ‘n voertuig op die toneel aangekom wat na bewering die 4 mans kom oplaai het. Die voertuig het op die grondpad in die rigting van Franskraal gery, maar toe hulle nie verder kon ry nie, het hulle omgedraai. Gansbaai SAPD-lede in ‘n polisievoertuig het die voertuig sien omdraai en onraad vermoed.

By nadere ondersoek is vasgestel dat die insittendes grond aan hulle hande gehad het, asook bloedmerke op hulle klere. Een van die insittendes het in die rigting van die slagoffer gestap en hulle het ontken dat dit bloedmerke is wat op hulle klere is.

Die polisiebeampte het nugterheid aan die dag gelê en die twee persone in die voertuig op aanklag van poging tot moord gearresteer. Die derde persoon, wat eerste uit die voertuig geklim het, het gevlug. Die slagoffer is per ambulans na Hermanus Hospitaal geneem, waar hy later aan sy wonde beswyk het.

Na verneem word kon die dokters nie verstaan hoe hy nog aan die lewe kon bly nie, aangesien die slaanplekke ernstige skade aangerig het. Veral aan die kant van sy kop was so ‘n diep duik ingeslaan, dat dit ‘n bult aan die anderkant van sy kop veroorsaak het.  

Goeie speurwerk deur sers V Gcolotela en konst J Meyer van Gansbaai se Speurafdeling het daartoe gelei dat al 4 verdagtes in hegtenis geneem is.

Die 4 verdagtes het op Maandag, 9 Maart 2015 in Hermanus in die hof verskyn, waar hulle van moord aangekla is. Hulle is Xolisa Nzame (29), Avuyile Nzame (20), Fundile Nzame (34) en Ntsingiselo Mbuzeni (34), waarvan 3 se foto’s hiermee geplaas word.

Hardus Botha

Wrede Moord

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant