Gansbaai Courant

Blog: Besigheidsroof

Published: 12 March 2015
By:Hardus Botha

Op Sondag, 8 Maart 2015 omstreeks 14:00 is ‘n winkel, Sr Chin, oorkant Midas in Hoofstraat beroof. Die eienaar van die winkel was in die winkel toe ‘n onbekende man haar nader en versoek om ‘n hamper aan hom te verkoop. Sy het die winkel oopgesluit, waarna die man haar gegryp en haar agtertoe in die winkel geneem het. Hy het haar hande vasgebind het en haar mond toegebind sodat sy nie om hulp kon roep nie.

Aldus ‘n mediaverklaring wat deur AO Wynand le Roux van Gansbaai SAPD uitgereik is, het die dame nog twee persone saam met die aanvaller gewaar. Die verdagtes het met ‘n verskeidenheid van goedere op die vlug geslaan. Niemand is in die voorval beseer nie en ‘n saak van besigheidsroof word deur Gansbaai SAPD ondersoek. Riaan Buys van Overstrand Medical Response is ook na die winkel uitgeroep. Hy sê dat hy ‘n 9-maande swanger dame ondersoek het om te bepaal of sy en haar ongebore baba se toestand in orde is. “Behalwe vir skok, was daar geen ernstige skade nie en was die dame en haar ongebore baba in goeie toestand,” sê Riaan. Enige persoon met inligting rakende hierdie voorval, kan Gansbaai SAPD se Speurtak by 028-384-0202 kontak.   

Hardus Botha

Recent Posts

DAFF konfiskeer 2 ru...
Published: 04 August 2017
By: Gansbaai Courant

Na aanleiding van die gereelde klagtes rakende per...

A huge welcome to ou...
Published: 04 August 2017
By: Gansbaai Courant

The Mammal Research Institute Whale Unit conducted...

James Roux se dood '...
Published: 04 August 2017
By: Gansbaai Courant

‘n Bekende eiendomsagent James Roux van Gans...

Hulle stap vir verlo...
Published: 04 August 2017
By: Gansbaai Courant

Twee ware Dapper Stappers, Tommy Beeslaar (48) en ...