Gansbaai Courant

Blog: Gewoonte misdadiger vas

Published: 26 March 2015
By:Hardus Botha

Rodney Adendorf (25) is op Donderdag, 19 Maart 2015 om 23:00 gearresteer en het Maandag in die Hermanushof verskyn.  Hy was sedert Januarie uit op borgtog vir 6 inbraaksake waarmee hy in Blompark verbind word. ‘n Lasbrief is daarna vir sy inhegtenisname uitgereik. Die saak is uitgestel tot 19 Maart, maar hy het nie by die hof opgedaag nie. Tydens sy borgtydperk is hy met nog inbrake verbind en staan nou tereg op 14 sake. Tans word hy as ‘n gewoonte-misdadiger geklassifiseer en sal in aanhouding bly.

“Ons bedank graag die gemeenskap vir die inligting wat ons ontvang het en wat tot sy arrestasie gelei het,” het Kapt Danie Rautenbach van Gansbaai SAPD gesê. Kapt Rautenbach het ook ‘n ernstige beroep op gemeenskapslede gedoen om onder geen omstandighede gesteelde goedere as ‘n “winskopie” te koop nie, maar dat die polisie summier daarvan in kennis gestel moet word. “Samewerking in hierdie verband is van groot belang, aangesien ‘n mark geskep word wanneer gesteelde goedere gekoop word.” Hy sê kopers van gesteelde goedere sal sonder twyfel aangekla word. Gansbaai SAPD kan te alle tye by 028-384-0201 gekontak word.  

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...