Gansbaai Courant

Vandalisme teenoor hoë koste verfraaiing

Vandalisme teenoor hoë koste verfraaiing

Gansbaai Courant

Dirk Crafford, Overstrand Munisipaliteit se afgetrede Operasionele Bestuurder en sy eggenote, Nadia, stap gereeld tussen De Kelders en Stanfordsbaai vir ontspanning. “Dit is skokkend om te sien hoe verwoestend mense met vandalistiese optrede kan wees,” vertel Nadia. “Onlangs is weer twee sementbankies by Stanfordsbaai uitmekaar gebreek.” Dirk sê dis erg om te sien dat Paul de Villiers bykans nie kan voorbly met herstel- of vervangingswerk as gevolg van blatante vandalisme nie. Baie moeite word in daardie area gedoen om dit gerieflik vir inwoners en besoekers te maak, soos onder andere nou weer die opknapping van houttrappies onderdeur die melkhoutbome, wat ook onder vandalisme deurloop. “Selfs sproeierkoppe se draadjies word gesteel in die hoop dat daar koper in is, wat lankal nie meer die geval is nie,” vertel Paul de Villiers. “Al is dit net die dun draadjies wat uitgeruk is, moet die koppe in geheel teen sowat R160 elk vervang word en onlangs weer is sowat R6,000 se skade by Gansbaai Getypoel as gevolg daarvan veroorsaak.” Hy sê hierdie is maar net een voorbeeld die afgelope tyd. “Die bankies waarna Dirk Crafford verwys wat gebreek word, se vervangingswaarde is sowat R850,” sê Paul. Die twee waterpompe, ook by Stanfordsbaai, se vervangingswaarde ná diefstalle was sowat R10,000, terwyl daar vir ‘n tydperk van drinkwater teen hoë koste gebruik gemaak moes word om die grasperke groen te hou. Selfs die vissersboot by die dorp se ingang, waar daar tans baie geld spandeer word, loop deur. “Hulle probeer die koperboute uit die hout kap, wat ‘n onmoontlike taak is, maar dit beskadig wel die pragtige boot wat nou so mooi oorgedoen word,” sê Paul. Kat Myburgh, Areabestuurder van die Overstrandse Munisipaliteit se Gansbaai Administrasie, het weer eens ‘n ernstige beroep op die gemeenskap gedoen om die munisipaliteit se oë en ore te wees en die beskadiging van eiendom summier aan te meld. “Sonder daardie samewerking sal die kostes van skade net eskaleer met alles wat vervang of herstel moet word.”

Hardus Botha

Vandalisme teenoor hoë koste verfraaiing

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant