Gansbaai Courant

Debuut Digbundel op 80

Debuut Digbundel op 80

Gansbaai Courant

Ds Dries Auret, wat op 30 Maart sy tagtigste geboortedag herdenk, se debuut digbundel het pas verskyn. Die titel van die bundel is Van Namakwaland tot Overstrand en bestaan uit 88 gedigte. “Baie van die gedigte is stories in rymvorm wat in Namakwaland, Namibië of langs die Overstrand afspeel,” sê ds Auret.

“Die gedigte, rympies, verse of wat jy dit ook al wil noem, handel oor ‘n verskeiden-heid van onderwerpe - vanaf die ou afgeleefde pelikaan by myl 14 in Namibië tot by die lastige bobbejane van Pringlebaai.”

Die bundel bevat ook gedigte oor natuurverskynsels soos die suidewind van Namakwaland, die sleepmis van Skuinsbaai en droogte, met ‘n viertal gedigte van verhale uit die Bybel. “Soos ‘n goue draad loop die gedigte met verlange deur my kinder-jare as plaaskind in Namakwaland,” sê hy. Daar is ook die tong in die kies gedigte soos Die Bulldozer, Huweliksplig en Amandla Nkandla. Dan is daar ook hartseer gedigte soos Die Weggooilam en By die Lykshuis en die bundel sluit met besondere ritte van die skrywer wat op RSG as "Saamry-briewe" gelees is.

Drie Feesboeke van gemeentes is ook deur hom geskryf en na sy aftrede volg Namakwaland se Jeugjoernaal, Deur Swaarkry Gebrei (2008); Kronkelpad van Garies tot Napier (2010); Kort Duskant Moedverloor (2011). “Ek beskou hierdie digbundel as my laaste pennevrug,” sê ds Auret. “Voortaan wil ek probeer om my tennis te verbeter.” Dan kry mens hom steeds langs die see met sy visstok en sy aas in 'n 20ltr verfblik wat hy sommer as stoel gebruik as die “ou bene” nie meer so lank wil staan nie.

Die digbundel is teen R100 by die NG-Kerkkantoor beskikbaar, of ds Auret kan daarvoor by 084-421-1138 geskakel word.

Hardus Botha

Debuut Digbundel op 80

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant