Die eens onaantasbare dogmas wat aan ons as die absolute waarheid voorgehou was, word nou al hoe meer bevraagteken. Hierdie tendens is natuurlik wêreldwyd reeds geruime tyd aan die gang. Dit beteken egter nie dat wanneer iemand nuut dink oor God en geloof, so persoon nie ook spiritueel is nie. Die teendeel is eerder waar, dit is vrydenkers wat met vernuwing dink en praat oor God, godsdiens en spiritualiteit, buite georganiseerde godsdienste om dieper betekenis en sin in hulle lewens te probeer vind. Dit is mense wat ’n nuwe dans wil dans. ’n Nuwe dans met die lewe en met God.

Oor die skrywer:

Abel Pienaar het twee grade in Teologie en ’n doktorsgraad in Filosofie van Godsdiens. Hy was vir meer as tien jaar ’n NG predikant voordat hy bedank het en o.a. Zen Boeddhisme en Taoïsme begin bestudeer het. Abel is tans hoofleraar van Renaissance; ’n vrydenkende spirituele gemeenskap in Pretoria. Hy is ook direkteur van die Sentrum vir Eietydse Spiritualiteit, van waar hy saam met ander, spiritualiteit en intergeloof-dialoog bestudeer en propageer. Abel is ook die skrywer en medeskrywer van heelwat filosofiese en teologiese boeke. Abel tree gereeld as spreker by konferensies op en hy is ’n gereelde deelnemer aan openbare debatte op TV en radio. Hy is ook die skrywer van ’n weeklikse blog, genaamd ‘Kop en Hart’, wat in Rapport koerant (www.rapport.co.za) verskyn. Abel is getroud met Zelda en het vier kinders en woon in Pretoria. 

DANS MET GOD is landswyd in boekwinkels beskikbaar en ook as e-boek te koop.

Dit kan direk bestel word by: http://naledibooks.co.za/books/die-dans-met-god/

Zoom

Zoom