Gansbaai Courant

Riana Enslin se dogter sterf tragies

Riana Enslin se dogter sterf tragies

Gansbaai Courant

 ‘n Tragiese motorongeluk naby Kleinberg, Mosselbaai, het verlede Maandagaand die lewe van Riana Enslin van Gansbaai Superspar se enigste kind, Terri-Anne Enslin (28), geëis.

Terri-Anne, wat as ‘n gewilde dame in George beskryf word en wat altyd gehelp het waar sy kon, was rigting Kaapstad in haar groen Hyundai Getz op pad. Omstreeks 22:30 het sy reg van voor met ‘n swaar afleweringsvoertuig gebots, terwyl sy alleen in haar voertuig was. Die KwaNonqaba-polisie ondersoek ‘n saak van strafbare manslag. “Terri-Anne was ‘n gedrewe en verantwoordelike jong vrou wat ons as ouers met onbaatsugtige liefde omvou het,” het Riana gesê. “Eers tydens haar roudiens is ek bewus gemaak van al die opheffingswerk wat sy gedoen het en hoeveel sy vir haar medemens omgegee en beteken het.” Sy was die Assistent Algemene Bestuurder by DF Scott in George wat deel is van die Walmart-groep. “Terri-Anne laat ons agter met ‘n leemte wat nooit gevul sal word nie, maar al die sukses wat sy behaal het en die vreugde wat sy ons verskaf het, sal dit draaglik maak,” sê Riana. Terri-Anne word ook deur etlike oud-skoolmaats onthou wat saam met haar in Gansbaai en Caledon op skool was.

‘n Roudiens is op Saterdag, 25 April in die NG-gemeente Denneoord, George gehou. Terri-Anne word oorleef deur haar ouers, Terry en Riana, asook haar dierbare ouma Corrie de Beer.

“Ons gaan jou baie mis,” is die hartseer boodskap van Riana, ouma Corrie, Thys, Marcel en Leon.                                                                 

Hardus Botha

Riana Enslin se dogter sterf tragies

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant