Gansbaai Courant

Blog: Tennisnuus (9 July 2015)

Published: 09 July 2015
By:Daneel Geldenhuys

Op Saterdag, 27 Junie, het 34 tennisspelers bymekaargekom vir ons jaarlikse Ope Tennisdag.

Dit is 'n gemengde rondomtalie tennistoernooi. Daar was spelers van Moorreesburg, Breërivier, Worcester, Strand, Bellville, Caledon, Botrivier, Struisbaai, Bredasdorp, Swellendam, Bonnievale, Hermanus en natuurlik Gansbaai. Hierdie toernooi is vir jare gehou in Desember, maar die wind het gereeld die gehalte van die tennis belemmer en daarom is verlede jaar besluit om dit te skuif na die Junie-vakansie. Dit was 'n goeie besluit, want die weer was besonder goed - geen wind, nie te warm nie en ook nie te koud nie - ideaal vir lekker tennis. 

Die kompetisie was vanjaar besonder sterk, veral onder die A-groep se mans. Die wenners was soos volg: 

A-groep: Mans - 1 Philip van den Heever (Struisbaai), 2 Charles Robinson (Caledon); Dames - 1 Emci Dippenaar (Moorreesburg), 2 Sandra Henrico (Swellendam). 

B-groep: Mans - 1 Flip van den Heever (Struisbaai), John Morgan (Worcester); Dames - 1 Celia van Blerk (Botrivier), 2 Elmarie Swart (Swellindam). Baie geluk aan die wenners.

Baie geluk ook aan Wilma Steenkamp en Eddie Botha wat die "shark cage diving"-kaartjies gewen het.

BAIE, BAIE DANKIE aan al die besighede en mense wat so ruim bygedra het met borge, pryse en hulp: Gansbaai Marine, I&J, Prime Cut Meats, White Shark Diving Co, OK Foods, Fine&Country, Klein Kaap Kwekery, The Young Ones (Des, Pat, Dries), Dr. C Loubser, Lourens-broers (Eben, Christi), Deon en Lisel Joubert, Jas en Alta van Niekerk, Gerhard en Ansie Germishuys, Piet en Elsabie Schoombie, Patrica Ronquest en Desireè Blackburn-Hall.

Ons speel sosiale tennis op Woensdagoggende vanaf 09:30 by die munisipale bane en Saterdagnamiddae vanaf 14:00 by die Laerskoolbane. Almal is welkom om saam te speel.

Tennisgroete

Daneel Geldenhuys

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...