Gansbaai Courant

Blog: Gansbaai SAPD nuus

Published: 13 August 2015
By:Hardus Botha

Kleinbaai-inbraak

Gedurende Saterdagnag, 8 Augustus, het vakansiegangers ‘n verdagte met handskoene en ‘n Balaklawa (Klapmus) oor sy kop opgemerk. Die verdagte was besig om teen ‘n veranda deur ‘n venster op die tweede verdieping van die huis te klim. Met die vakansiegangers se tussenkoms het die verdagte op die vluggeslaan en kon nie gevang word nie. Gansbaai SAPD se Speurtak ondersoek die moontlikheid dat hierdie poging tot inbraak met dié een in Franskraal (voorbladberig) verband kan hou. Vir enige inligting wat met die ondersoek kan help, kan Gansbaai SAPD by 028-384-0201 geskakel word.

Masakhane arrestasie

‘n Verdagte van Blompark is op Saterdag, 8 Augustus 2015 in Masakhane gearresteer. Hy was in besit van ‘n Tablet wat hy probeer verkoop het. Die verdagte, Jeandré Wyngaard (29) van Blompark, is gearresteer en het reeds in die Hermanushof verskyn. Borg is opponeer op grond van sy betrokkenheid by ander sake. Die tablet moet nog geïdentifiseer word ten opsigte van eienaarskap. In hierdie verband kan Gansbaai SAPD by 028-384-0201 geskakel word.

Voertuig met dagga afgetrek

‘n Voertuig is op Maandag, 10 Augustus 2015 in Gansbaai deur SAPD-lede van Gansbaai en Stanford afgetrek. By nadere ondersoek is 70 pakke (parcels) dagga (6.6kg) in die motor gevind. ‘n Swart vrou, Vuyiswa Higa (25) van Masakhane is gearresteer. Sy het op Woensdag, 12 Augustus in die Hermanushof verskyn.

Hardus Botha

Recent Posts

DAFF konfiskeer 2 ru...
Published: 04 August 2017
By: Gansbaai Courant

Na aanleiding van die gereelde klagtes rakende per...

A huge welcome to ou...
Published: 04 August 2017
By: Gansbaai Courant

The Mammal Research Institute Whale Unit conducted...

James Roux se dood '...
Published: 04 August 2017
By: Gansbaai Courant

‘n Bekende eiendomsagent James Roux van Gans...

Hulle stap vir verlo...
Published: 04 August 2017
By: Gansbaai Courant

Twee ware Dapper Stappers, Tommy Beeslaar (48) en ...