Gansbaai Courant

Blog: Tannie Rens Fourie oorlede

Published: 08 October 2015
By:Hardus Botha

Tannie Rens Fourie (96), die oudste inwoner van Herberg-aan-See (HaS), is op Saterdag, 3 Oktober 2015 oorlede, enkele maande ná haar verjaardag op 25 April vanjaar.

Wyle Tannie Rens was ‘n bevoorregte moeder, ouma, oumagrootjie en groot-groot oumagrootjie. Jaar na jaar het die kinders, kleinkinders, agterkleinkinders en familielede by HaS bymekaargekom en sommer ‘n groot partytjie vir haar gereël - met genoeg eetgoed sommer vir HaS se sitkamer vol vriende en familie, ook vir die inwoners. Jaar na jaar het Gansbaai Courant ‘n beriggie oor hierdie pragtige Omgee-familie en Tannie Rens se verjaardae geskryf. Vanjaar gedurende April was dit die laaste keer wat die familie te beurt geval het om dit te kon doen. Die volledige 5 geslagte was teenwoordig: Tannie Rens Fourie, Maria Otto (skoondogter), Ronel Visser (kleinkind), Marnel Rossell (agter-kleinkind) en Mienke Rossell (agter-agter-kleinkind). Tannie Rens het alles rustig op haar bed gelê en gade slaan, maar die vonkel in haar oë het vertel dat sy groot waardering het vir al die moeite wat vir haar verjaardag gedoen is en die gesellige samesyn van familie en vriende wat haar op haar verjaardag besoek het en bederf het.

Die familie bedank graag HaS se bestuur, die personeel (veral vir Anita van Dyk) en past Frikkie Zeelie vir die aandag en versorging wat Tannie Rens deurgaans ontvang het. ‘n Diens ter nagedagtenis is vandag (Donderdag, 8 Oktober) om 11:00 in Gansbaai Aanbiddingsentrum (AGS) deur past Frikkie Zeelie waargeneem.  (Argieffoto’s: Gansbaai Courant)

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...