Gansbaai Courant

Jaagtog laat gons

Jaagtog laat gons

Gansbaai Courant

'n Egpaar van Stellenbosch het verlede Donderdag om 11:00 Masakhane, die middedorp en Perlemoenbaai op horings geneem deur in 'n wit Golf oor verskeie stopstrate te jaag. Op hul hakke was 'n privaat voertuig en later ook die polisie. 

Leon Bester (33) en sy vrou, Charmaine (33) is in Perlemoenbaai gearresteer. Volgens Japie Swart het 'n man hom Woensdag gebel en gesê hy het sonder petrol by Swart se grond se ingang gaan staan. "Hy het my selnommer op die skeepshouer op my werf gesien en vra toe hulp. Ek het gesê daar is geen petrol op my grond nie, maar daar is 'n petrolstrasie in Kleinbaai. Hy kan sy kar maar veilig daar laat, want daar is kringtelevisie om my huis. Hy het ook gesê hy soek werk. Toe ek teen die aand tuis kom, kon ek duidelik op die video-opname sien hoe hy inry en weggesteek onder 'n afdak stop. Hy het daarna petrol uit een van my voertuie gesuig en ander goedere gesteel." Die jaagtog het gevolg nadat twee vriende van Swart, naamlik Nico Kotze en Willem Stevens, die volgende middag 'n wit Golf met 'n Stellenbosch registrasienommer opgemerk het. Dit het ooreengestem met die voertuig wat die Woensdag op Swart se kringtelevisie vasgevang is. "Ek het vir Japie gebel en die Golf gevolg. Toe die bestuurder dit agterkom het hy probeer wegjaag. Eers in Masakhane, daarna deur die Industriële gebied. Motors is aan die verkeerde kant  van die pad na die middedorp verbygesteek, waar daar oor stopstrate gejaag is tot in Perlemoenbaai. Daar is die voertuig in 'n doodloopstraat vasgekeer.   Japie was kort op ons hakke en ons het die twee aangehou totdat die polisie opgedaag het," het Kotze gesê. Hulle het aanvanklik vals name verskaf en twee sakkies tik is in hul besit gevind.  

Daar was ook vermoedelik gesteelde ware in die Golf en die lisensieskyf en nommerplaat het verskil.

Die polisie het later vasgestel dat Bester die kar in Stellenbosch vir iemand moes herstel en dat hy dit sonder die eienaar se toestemming gebruik het. Beide Bester en Charmaine moet ook in Stellenbosch en Gordonsbaai op onverwante sake voorkom vir die besit van vermoedelik gesteelde voertuie.

Hulle het Vrydag in die hof in Hermanus verskyn op 'n klag van besit van dwelms. Leon is ook aangekla vir besit van moontlik gesteelde eiendom en bedrog. Hulle word aangehou tot 3 Desember vir 'n borgtog aansoek.

Francois de Jongh

Jaagtog laat gons

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant