Gansbaai Courant

DA Jaarafsluitingsfunksie

DA Jaarafsluitingsfunksie

Gansbaai Courant

Die plaaslike DA-tak (Wyk 2) het op 16 November ‘n takvergadering gehou, wat saamgeval het met hul jaarafsluitingsfunksie. Rdl Riana de Coning, takvoorsitter het tydens haar spreekbeurt lede van die publiek genooi om by die tak aan te sluit.  

“Kostes beloop slegs R10 per jaar en ons Algemene Jaarvergadering sal vroeg in die nuwe jaar plaasvind,” het sy gesê. “Hierdie datum sal in die media geadverteer word en individue sal ook per e-pos in kennis gestel word.” Rdl Dudley Coetzee van Wyk 11, Pearly Beach, wat ook die voorsitter van die Overstrand Kiesafdeling is, het tydens sy spreekbeurt die belangrikheid van elke stem in die komende verkiesing beklemtoon. “Hy het ook verduidelik hoe die berekeninge gemaak word om die proporsionele raadslede aan te stel,” het Riana gesê.

“Elke kieser se stem tel eintlik dubbel aangesien daar vir die kandidaat wat staan gestem word, asook vir die party waaruit die proporsionele raadslede aangestel moet word.” Sy het gesê uit die totale aantal stemme wat ‘n party in die Overstrand kry, word die proporsionele raadslede dan aangestel volgens ‘n formule wat bepaal hoeveel daar aangestel kan word. 

“Voorts stem kiesers ook op ‘n derde stembrief vir die party wat die Overberg Distrik moet verteenwoordig en sal ‘n wegblystem dus ‘n stem vir die opposisie wees.”

Daarna het dr Michael Cardo, die DA se Adjunk skadu-minister in die presidensie, aan die woord gekom en die DA se visie vir Suid-Afrika aan die toehoorders toegelig. “Die DA se visie sluit die grondbeginsels van vryheid, regverdigheid en geleenthede vir almal in,” het hy gesê. “Die DA glo dat elke  individu gebruik moet maak van die toenemende hoeveelheid beskikbare geleenthede en om met harde werk sodoende ‘n beter SA te skep, met ‘n DA beheerde regering wat deursigtig, verantwoordbaar en vry van korrupsie sal wees.”

Enige navrae kan aan rdl Riana de Coning by 083-597-2781 gerig word. Die aand is afgesluit met ‘n smaaklike ete en gesellige saamkuier.

(Foto: Anita Botha)

Hardus Botha

DA Jaarafsluitingsfunksie

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant