Gansbaai Courant

Blog: Stanford se gesamentlike Kerssangdiens

Published: 10 December 2015
By:Hardus Botha

Dit was ‘n gewyde en suksesvolle Kerssangdiens in die kerkgebou van Stanford se NG-gemeente onder leiding van ds Neil Ollewagen, self ‘n uitstekende sanger, van die gemeente. Die teenwoordigheid van verskeie denominasies tydens die diens het verdere gewydheid tot gevolg gehad. Ds Ollewagen het die verrigtinge geopen, waarna ‘n goed uitgewerkte program gevolg is. Hy het die voorlesings met tussenposes hanteer, met pragtige tussenin sangitems deur die gemeente en orkeslede, met ‘n volledige orkes wat voor die kansel stelling ingeneem het. Enkele solo-sangitems is ook aangebied, asook koorsang deur Stanford se VGK-gemeente en ‘n groot groep leerders van Laerskool Okkie Smuts se koshuisleerders. ‘n Jonge dametjie het op die galery vir ‘n pragtige blokfluit-item gesorg. Die kanselversiering het verdere en gepaste luister aan die byeenkoms verleen. Na afloop van die samesang het ds Ollewagen almal na die saal uitgenooi om daar verversings te gaan geniet en hy het dit met die volgende mooi en gepaste woorde gedoen: “Ons beskou dit as ‘n voortsetting van ons fellowship as gelowiges bymekaar.” Stanford NG-gemeente is vir etlike jare bekend vir hulle jaarlikse Fynbosuitstalling in die kerkgebou. Vroeër vanjaar se tema was “Wonderwerke van Jesus”, waartydens die wonderwerke van Jesus van links na regs rondom en aan die binnekant van die kerk met fynbos, versierings en dies meer uitgebeeld is - ‘n verruklike gesig om jaarliks te aanskou. Tydens genoemde Fynbosuitstalling het ds Ollewagen ook ‘n Interkerklike “Prys- en Aanbiddingsdiens” aangebied wat ook deur ‘n verskeidenheid van verskillende denominasies bygewoon is.

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...