Gansbaai Courant

Blog: Uitmergelende Trans Agulhas

Published: 14 January 2016
By:Hardus Botha

Die pas-afgelope Trans Agulhas Rubberbootwedren van 26 en 27 Desember 2015, was weer eens met opwinding gevul. Die spanne het weer by Uilenkraalsmond aangedoen en in Gansbaai oornag voor die laaste skof na die Strand.

Vanjaar is daar twee trotse oupa’s van die omgewing, Pieter Scholtz (reeds verhuis) en Johan Hanekom. Pieter (voormalige Overstrandse Onderburgemeester) se kleinseun, Ruben Scholtz was ‘n “pilot” van een van die bote en sy “co-pilot” was Luhann Koen, met Pieter se seun, Pieter (Jnr) wat ewe trots ook teenwoordig was. Ruben het sy liefde vir bote by sy oupa Pieter gekry. Hy is 16 jaar oud en in Stellenberg Hoërskool. Hy en Luhann het vir die “Novice Standard Class” ingeskryf.

Die 1ste dag het hulle boot se enjin probleme opgelewer, maar daarna het hulle elke dag 1ste in hulle klas geëindig en ‘n algehele 3de plek behaal. Hulle het ook 2de geëindig in die klas “King of the Waves”, met ‘n enkele sekonde agter die wenners. Marine Dynamics van Wilfred Chivelle was ook een van hulle borge gewees. Oupa Pieter is sommer baie trots op sy kleinseun.

Die ander trotse oupa is Johan Hanekom wie se kleinseun, Louis (1) by sy pa, Johan Lodewyks by Uilenkraalsmond se stop gaan kuier het. Met verlede jaar se wedren was Johan net-net betyds by die eindpunt in die Strand om te jaag vir Louis se geboorte. Nog ‘n pa en seun kombinasie was Dreyer van Niekerk “pilot” en sy seun, JD (16) van Caledon as “co-pilot” en by Uilenkraalsmond was hulle net 3 minute agter die voorloper.

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...