Gansbaai Courant

Blog: Pandemonium by kliniek

Published: 28 January 2016
By:Francois de Jongh

Die bloedstollende gille van ‘n veertigjarige vrou het by die kliniek pandemonium gesaai toe sy haar beweerde verkragter daar gewaar het. Sy het die man voor die kliniek op ‘n vuilgoeddrom sien sit en het vreesbevange gillende agterom die kliniek weggehardloop. Die 55 jarige man het volgens Suster Dorothea Jacobs self so groot geskrik dat hy na die toilet gehardloop en homself daar toegesluit het. Sy het dadelik die polisie gebel en Suster Louw het daarin geslaag om die man te oorreed om na haar kantoor te kom om met sy TB behandeling te begin.

“Ek is dankbaar dat die sielkundige hier was, want hy was so rustig en het die situasie ontlont deur die pasiënte in die wagkamer te kalmeer. Hy het gesê die polisie is oppad en dat hulle niks te vrees het nie”.

Die man is gearresteer, maar later deur die Kinder & Vroue Beskermings eenheid na ‘n ondersoek vrygelaat aangesien hy nie met die misdaad verbind kan word nie. Die ondersoek na die verkragting duur voort.

Francois de Jongh

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...