Gansbaai Courant

Blog: Derde arrestasie vir ontvoerings

Published: 26 February 2016
By:Francois de Jongh

‘n Verdagte van Mitchelsplain is gearresteer nadat die polisie inligting ontvang het dat hy met ‘n voertuig in Gansbaai gesien is. Siyadumisa Tsanga(33) is by ‘n huis in Zalastraat, Masakhane, aangekeer en daar is beslag gelê op ‘n pistool wat in sy naam geregistreer is. Die arrestasie hou verband met ‘n menseroof op 1 Desember in Masakhane. ‘n Man wat om veiligheidsredes nie geïdentifiseer mag word nie, is deur ‘n groep mans ontvoer.

Hy is na bosse naby Pearly Beach geneem en ondervra. Hy is daarvan beskuldig dat hy die groep se perlemoen gesteel het, maar het dit heftig ontken. Volgens hom is hy deur die groep aangerand. Hy wou eers nie ‘n saak teen sy ontvoerders maak nie, maar het dit tog later gedoen. Mwanele Jonase en sy broer Simcela Jonase is as verdagtes gearresteer. Hulle word moontlik ook verbind met die menseroofklagte en moordklagte van Sanele Mtululu(30). Mtululu is op Sondag 6 Desember 2015 deur 2 mans in ‘n silwer Toyota Run x ontvoer. Sy grusaam vermoorde liggaam is die Maandagoggend op die N2 in Sir Lowry’s pas gevind. Hy het skietwonde in sy lyf en verskeie ander beserings gehad nadat ‘n voertuig of voertuie oor hom gery het. Die twee sake word verder ondersoek.  

Francois de Jongh

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...