Gansbaai Courant

Northern Gaint Petrel gered

Northern Gaint Petrel gered

Gansbaai Courant

 “Kom kyk bietjie hier, dit lyk soos ‘n baie groot seevoël wat seergekry het,” het Annatjie Pretorius vir haar vriendin, Anita Botha by Gansbaai se nuwe hawemuur nader geroep. “Ek hou hom al lankal dop en dit lyk soos ‘n Nellie of iets.”

Anita het dadelik voorgestel dat Wilfred Chivell geskakel moet word. Soos gewoonlik was Wilfred van Dyer Island Conservation die ene opgewondenheid en het kort ná die oproep opgedaag. Hy het die seevoël as ‘n Northern Giant Petrel (Macronectes halli) geïdentifiseer en sy twee manne van die African Penguin and Seabird Sanctuary (APSS) ontbied om dit te kom vang. Xolani Lawo, Bestuurder: APPS en sy assistent, Mervin Visagie was eweneens vinnig op die toneel. Die petrel is gevang en na APPS geneem, maar geen beserings kon gesien word nie. “Vermoedelik het hy visolie op sy kop gekry,” het Wilfred gesê. Die voël is nou vir ‘n herstelperiode by die APPS totdat dit weer vrygelaat kan word. Intussen het Annatjie al twee keer vir haar “kind” by die APPS gaan “kuier”.

“Die Northern Giant Petrel kom reg deur die jaar by ons kuste voor, ook hier by ons, maar broei nie hier nie,” sê Wilfred. “Hulle is besoekers vanaf Suid-Amerika en Prins Edward Eiland, maar word nie maklik naby die land gesien nie.” Hierdie insident herinner aan die verdwaalde Afrika Pikkewyn wat ‘n tyd gelede ook by die nuwe hawemuur deur Anita gesien is, waarna sy vir Wilfred geskakel het en hy net so vinnig gereageer het. Dus het die twee dames elkeen ‘n “kind” by die APPS - ‘n Nothern Giant Petrel en ‘n Afrika Pikkewyn! Inwoners en besoekers kan gerus die pragtige APSS op die Kleinbaaipad besoek.  

Dit is elke dag van die week vanaf 09:00 tot 16:00 oop vir gratis besoeke, met ‘n vrywillige donasie wat gegee kan word (‘n enorme hoeveelheid vis moet daagliks beskikbaar wees en daar is ‘n groot behoefte aan donateurs). Die Pikkewyn Reddingslyn se kontaknommer is 072-598-7117.

Hardus Botha

Northern Gaint Petrel gered

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant