Gansbaai Courant

Blog: Groot kommer oor kwajongens

Published: 09 September 2016
By:Gansbaai Courant

Kommer bestaan oor ‘n groep seuns tussen die ouderdomme van nege en tien jaar wat al ‘n geruime tyd buite Gansbaai OK Foods sit en bedel.

Dieselfde groep seuns word nou gereeld by Perlemoenbaai se getypoel opgemerk waar hulle skilpaaie en slange vang en aan die publiek probeer verkoop.

Lede van De Kelders en Perlemoenbaai Belastingbetalersvereniging het gesê dieselfde seuns het onlangs ‘n molslang selfs aan besighede in Hoofstraat probeer verkoop.

Aanvanklik was dit R50 en toe hulle agterkom die belangstelling is groot, is die prys na R500 verhoog. Natuurbewaring is ontbied en die molslang kon betyds gered en vrygelaat word.

Dit blyk dat skilpaaie en slange as voedsel in Masakhane verkoop word. Die betrokke lede van die vereniging het reeds met Masakhane Primary School in verbinding getree aan-gesien dit skoolgaande kinders is, maar die probleem duur voort.

‘n Ernstige beroep word op die publiek gedoen om nie skilpaaie of slange by hierdie kinders te koop nie, aangesien dit hulle in hul kwaad versterk.  Die publiek word ook versoek om sulke insidente summier aan Natuur-bewaring of Gansbaai SAPD te rapporteer.

Hierdie optredes is op De Kelders en Perlemoenbaai Belastingbetalers se Facebookblaai  geplaas, maar dit is duidelik dat almal nie daartoe toegang het nie.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...