Die gemeenskap, ouers en personeel   is almal ingespan om fondse te in vir die opgradering van  Laerskool Gansbaai se netbal- en tennisbane wat  Dinsdag, 2 Augustus ingewy is.

Na afloop van die pragtige openingseremonie het Laerskool Hermanus en Gansbaai Primêr in vriendskaplike  netbalwedstryde meegeding.

Michael Geldenhuys, voorsitter van die Beheerliggaam van Laerskool Gansbaai, het tydens sy toespraak gesê dat Chrizülene van Niekerk sowat twee jaar terug gesê het dat die tennis- en netbalbane aandag benodig en dat daar plan gemaak moet word.

Dit is net daar waar die groot insameling begin het. Chrizülene het kwotasies gekry en besef dat dit “’n vreeslike klomp geld” is wat betrokke is. Haar visie en droom het begin met ‘n skenking van R15 000 tydens ‘n Spar Vrouedag in 2014 wat sy gereël het.

Michael het voorts gesê dat wanneer jy Chrizülene “nie sien nie”, is sy ‘n supervrou wat geen moeite ontsien om haar doel te bereik nie.  So het sy dus in 2015 ‘n hoender- en hamburgerbraai aangebied en vanjaar is Premier Fishing en Aqunion nader gehark om saam met Spar die laaste deel van die bane te befonds.  Pragtige advertensieborde is aangebring om hul groot bydrae te erken.

Visie

Michael het  gesê dat die bestuurslede baie opgewonde is oor die feit dat groot toernooie en sportnaweke nou hier aangebied kan word. 

Dit sal nie net tot voordeel van die skool wees nie, maar ook vir die sakegemeenskap van Gansbaai.

Zoom

Zoom