So stap ek langs die rolbalbaan en bekyk en beluister die spelers. Ek kyk met ’n glimlag na al die prettige geite van die spelers … dit rek en dit strek agter die bal aan; sommige speel hop-hop en spring-spring; soms skeef-skeef, maar altyd met groot konsentrasie en entoesiastiese aanmoediging.

Om hierdie petalje net dop te hou is pret, maar as jy na al die sêgoed luister, verskaf dit nog meer pret. Opmerkings (verskonings!) oor hoekom die bal nie rol waar hy moet of maak soos hy moet nie: “Ai, die skouer van my tog”; “My rug keil my op”; “The opposition is putting me off”; “Someone moved when I delivered my wood”; “I forgot my glasses at home”. Spanlede verstaan die verskonings baie goed en aanvaar dit gelate. Een ding is seker – die klomp geniet hulle terdeë. As jy gedink het rolbalspelers is ’n ou klomp “suurknolle” of “suurknollaritas” … dink gerus weer! Kom kyk en luister en ervaar self al die pret.

Archie is die bemarkingspersoon van Franskraal Rolbalklub. Kontak hom gerus vir besonderhede oor lidmaatskap en afrigting by 082 468 8765.            Rolbalgroete, Ankie

Zoom

Zoom