Gansbaai Courant

Blog: Vandale verniel piekniekplekke

Published: 07 October 2016
By:Gansbaai Courant

Gansbaai spog met ‘n uitstekende munisipaliteit waaroor  inwoners werklik dankbaar en trots op kan wees.

Die afgelope naweek was daar vandale in ons dorp wat ‘n tafeltjie en bankie by Haaiklip in Franskraal gebreek het.  Hulle het ook probeer om nog van die betontafels en bankies uitmekaar te haal, maar kon nie daarin slaag nie.

Wyksraadslid van Gansbaai, Riana de Coning, doen ‘n beroep op enige iemand wat inligting het oor enige vorm van vandalisme in die Overstrand, om dit te rapporteer.

Inligting hieromtrent kan gerig word aan die munisipale areabestuurder, mnr Kat Myburgh, by 028 384 8300.

‘n Verdere voorval wat opgemerk is, was ‘n motor vol uitbundige jongmense, geklee in tradisionele drag by die White Shark Junction.

Nie alleen het die fikse groep op die parkeerplek vir gestremdes gestop nie, maar het ook ‘n hoenderbeen en papier by die motorruit uitgegooi voor hulle uit die motor geklim het.

Dit is vakansietyd en talle besoekers word verwag in hierdie pragtige deel van ons land. 

Die munisipaliteit doen hul uiterste bes om dit aangenaam te maak vir heeltydse en deeltydse inwoners.

Die publiek is die oë en ore van ons dorp. 

Skakel en neem foto’s wanneer u sulke gevalle opmerk.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...