Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
‘n Eienaardige, ystervarkagtige seediertjie het Dinsdag, 27 September 2016 by Blousloep in Franskraal uitgespoel en almal aan die raai gesit.
‘n Vakansieganger se seuntjie het gesê iets het hom gesteek, waarna die diertjie opgemerk is. Hulle het dit aan ‘n inwoner van Franskraal oorhandig wat ‘n foto geneem het en dit na Gansbaai Courant se kantore gebring het.
Etlike navrae is gerig, maar sonder definitiewe antwoorde oor watse spesie dit is.
Hennie Otto, Bestuurder/Skipper van Marine Dynamics het laat weet: “George Branch said it is almost certainly the Balloon Porcupinefish (Diodon holocathus). You will find it in Two Oceans (species no. 156.3). I think it is a youngster as the spines are very long.”
Die boek van J.L.B. Smith, Smiths’ Sea Fishes (bladsy 905), is in Gansbaai Biblioteek geraadpleeg. Indien Hennie reg is, is die diertjie wel die Ballon-penvis (Balloon porcupinefish) met die wetenskaplike naam van Diodon holocanthus. Die foto’s en tekeninge in laasgenoemde boek korrespondeer wel met die meegaande foto, behalwe dat die “ystervark” pennetjies heelwat langer is. Dit skryf Hennie se raadgewer toe aan die feit dat dit ‘n kleintjie is, aangesien hulle pennetjies op ‘n jong ouderdom heelwat langer is.
Indien enige leser kommentaar op die foto óf inligting wil lewer, kan Gansbaai Courant by 082-786-0494 geskakel word, waar die foto duideliker op die rekenaarskerm sal vertoon.
