Gansbaai Courant

Blog: Botrivier gerat vir twaalfde uitdaging

Published: 28 October 2016
By:Gansbaai Courant

Die organiseerders van die twaalfde aanbieding van die Botrivier Uitdaging, wat vanjaar op 28 en 29 Oktober aangebied word, sê hulle is gerat vir dié dag.

“Ondanks die ontwrigting by universiteite, het ons besluit om voort te gaan met die reëlings en alle belangstellendes word genooi om te kom deelneem,” sê Andries Roux, een van die organiseerders. “Die doelstelling van die Botrivier Uitdaging is om mense te lok om deel te vorm van ‘n pretdag waar deelnemers aan stap, draf of fietsry kan deelneem en om terselfdertyd die natuurskoon van die Overberg te geniet.”

Die verskillende items behels onderskeidelik ‘n 5.10- en 21 kilometer stap/draf, asook bergfietsroetes vanaf 15 tot 55 kilometer.

Vir mense wat van uitdagings hou, is daar die aandwedren van 5 kilometer op 28 Oktober om 19:00.

Deelnemers spring by Botrivier Primêr weg en eindig ook daar.

Die verrigtinge word aangebied in samewerking met die Elgin Atletiek Klub.

Afgesien van verskillende medaljes en prysgeld vir wenners van die onderskeie items, is daar ook ander pryse op die spel met trekkings wat gehou word vir deelnemers.

Vir navrae kan Anthony Hess by 083-773-2574 gerig word, of stuur ‘n e-pos aan hom by anthess02@gmail. com.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...