Gansbaai Courant

Blog: Kunswedstryd wag in die 2017-jaar

Published: 04 November 2016
By:Gansbaai Courant

Gansbaai se bekendes in kultuurkringe was verlede Vrydagaand die eregaste by die finale rondte van die ‘Hangklip/Kleinmond Got Talent’ kunswedstryd. Die gehoor is verras met uitmuntende talent en het met tye geskaterlag, maar ook met tye ‘n traan afgevee. In samewerking met die Kleinmond-groep wat die kunswedstryd geïnisieer het, is die wiele aan die rol om volgende jaar ‘n uitstekende kultuuropskop te reël vir ons dorp se talentvolles. 

Gansbaaiers kan solank hul stemme warm maak, hul kitaarsnare laat span en die stof van die viole afvee.  Hier saam met Vrydagaand se beoordelaars staan Annelie Botha (sangafrigter), Siyabonga Vonco (beoordelaar), Lynette van Wyk (dansinstrukteur), agter haar – Marjaan van Tonder (komponis) en die ander beoordelaars: Niki Daly, Nicolette Botha-Guthrie en agter, Sandy Gertse. 

‘n Komitee sal binnekort op die been gebring word en Annelie vertrou dat ouers net soveel in hul kinders se kultuur sal belê, as in sport.  Almal wat ‘n droom het vir Gansbaai se kultuur, hetsy met organisering, administrasie of afrigting, kan gerus inskakel by hierdie inisiatief. Hou die pers dop.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...