Gansbaai Courant

Blog: Geelbekke lóóp

Published: 18 November 2016
By:Gansbaai Courant

Die geelbekke het Saterdag, 5 November 2016 behoorlik soos snoek “gelóóp”.

Met die twaalfde en laaste 2016 boothengelkompetisie van die Birkenhead Boothengelklub, was dit die geelbekvangstes wat vanjaar se finale wenners bepaal het.

Die swaarste geelbek (5.7kg) is uitgetrek deur Gavin Engelbrecht.  Dit maak hom die swaarste vis vir 2016.

Vier bote het ingeskryf en al vier het ingeweeg. Die aantal bemanning was vyftien, waarby twee juniors en een dame ingesluit was. Vyf verskillende spesies is ingeweeg en die totale  aantal vis was honderd en veertien, met 'n totale massa van 151.95kg.  Dit bring dit op ‘n gemiddeld van 10.13kg per hengelaar.

Volledige uitslae is soos volg: Swaarste vis, Gavin Engelbrecht (Geelbek - 5.7kg); 2de swaarste vis, Leon Engelke (Geelbek - 5.40kg); swaarste sak (15.40kg), Danie Fourie; 2de swaarste sak (14.15kg), Ben Uys; swaarste bootgemiddeld (14.63kg), Oupa van Ben Uys; 2de swaarste bootgemiddeld (9.26kg), Relêks van Jean Downing; Junior swaarste sak (15.25kg), Hennie Groenewald.

Die eerste drie voorlopers is: Bootkampioene - Oupa (60.59kg) van Ben Uys, Nu-Nu (53.96kg) van Johan Burmeister en Relêks (51.97kg) van Jean Downing; Mans Visvangkampioene - Danie Fourie (61.90kg), Ben Uys (59.40kg) en Johan Burmeister (56.80kg); Dames Visvangkampioen - Dixie Walsh (17.10kg); Junior Visvangkampioene - Hennie Groenewald (58.90kg) en JP Uys (57.85kg). 

Trofeë sal tydens die Jaareindfunksie wat Saterdag, 19 November 2016 plaasvind, oorhandig word.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...