Gansbaai Courant

Blog: Tuine is sy passie

Published: 24 November 2016
By:Gansbaai Courant

“Wanneer ek buite in ‘n tuin is, klop my hart warm, al my drome word waar en ek is ‘n gelukkige mens!” Reuben du Toit praat geesdriftig terwyl sy grassnyer dreun, dis ‘n koue, onplesierige dag, al wat ‘n mens is skuil binne, maar hierdie jong man sny gras, hy het ‘n hele paar grasperke wat wag, en sy klante moet tevrede wees. Die tuine moet netjies gehou word! 

Reuben het net meer as 3 jaar gelede Gansbaai toe gekom. Toe maar 22 jaar oud. Daar was by hom geen twyfel nie; hy wou ‘n tuindiens begin en het trots die naam R & J du Toit op sy wit bakkie geplak. Gou-gou het sy eerste grassnyer gedreun en huiseienaars het mekaar van die “vriendelike jong man” begin vertel.

En nou, drie jaar en twee maande later, het hy ‘n nuwe projek aangepak: “Ek glo die lewe is soos ‘n leer, ‘n mens begin onder, maar jy moet klim en met die bou van ‘n klein buite-braaiplek op Baardskeerdersbos, is ek ‘n paar sporte hoër teen die leer op! My klant is tevrede, ek dink dit lyk goed en ek kon die werk in twee dae klaar maak – al het ons Saterdagaand 6uur eers in wind en reën die laaste kruiwa sand weggery om die tuin skoon en netjies agter te laat!”

Hy kyk trots na sy handewerk en een ding is duidelik: Tuinmaak is Reuben du Toit se passie!

Skakel hom gerus by 082 675 7926.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...