Gansbaai Courant

Rienie lig VLV-hoogtepunte uit

Rienie lig VLV-hoogtepunte uit

Gansbaai Courant

Gansbaai Vroue Landbou Vereniging (VLV) het onlangs ‘n suksesvolle en bedrywige jaar afgesluit, met vele hoogtepunte op hul kerfstok.

Enkele hoogtepunte in 2016 is deur Gansbaai VLV se voorsitter, Rienie Lüdick, wat ook Overberg Sirkel se President is, uitgelig.

‘n Suksesvolle oggend by Overberg Sirkel Internasionaal op Klipdriftplaas, waar die vroue agt lande verteenwoordig het - geklee in tradisionele klere met eg-tradisionele etes wat voorberei is. Hélené Truter was die gasspreker tydens dié geleentheid.

Die vroue het ook die biblioteek ondersteun met die maak van kombersies vir die Mandela Kombersprojek. Verder het hulle ook mussies, truie en komberse aan verskeie organisasies geskenk, asook handdoeke aan Herberg-aan-See. Van die vroue het maaltye vir Gansbaai Elimhuis voorberei.

Gansbaai VLV het hul 63ste verjaarsdag met ‘n kinderpartytjie en ‘n “lepelaand” gedurende Augustus 2016 gevier, wat goed deur die gemeenskap ondersteun is.

Die vereniging se afsluiting van hul bedrywige jaar was in Novembermaand met ‘n interessante en gesellige “Afternoon/High Tee”.

Marianna van Rensburg het bykans al die trofeë tydens die prysoorhandiging ingepalm met onder andere die meeste inskrywings en punte.

“Ons is werklik trots op ons VLV-lede en bedank graag almal wat gedurende die jaar aan ons kompetisies deelgeneem het,” het Rienie gesê.

Die drie Kersgeskenkpakke is onderskeidelik deur Magaret Wessels (1ste), Liz-Marie Liebenberg (2de) en Ronelle Swart (3de) gewen.

Rienie wens graag alle lede en hul gesinne ‘n geseënde Christusfees en voorspoedige 2017 toe.

Rienie lig VLV-hoogtepunte uit

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant