Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Geen proewery aan wyne nie - nee, die keer is die wyn net gedrink en geniet tydens Gansbaai Wynproegilde se jaarafsluiting op Vrydag, 18 November 2016 in die Great White House, Kleinbaai.
Die wyne vir die funksie is deur Theuns Roodman en Erhard Roothman geskenk en hulle het seker gemaak daar is genoeg vir ‘n gesellige jaarafsluiting.
Die funksie het terselfdertyd as Algemene Jaarvergadering gedien. Na volledige verslagdoening is die 2016 bestuurslede, op een na, vir 2017 herkies: Theuns Roodman (voorsitter), Daan Oosthuizen (tesourier) en Anne-Marie de Witt (administrasie) in die plek van Amanda de Vries, met addisionele lede Steve Donnelly en Hardus Botha.
“Dit was vir die afgelope agt jaar ‘n voorreg om deel te kon wees van Gansbaai Wynproegilde wat deur my eggenote, wyle Helmie de Vries begin is,” het Amanda de Vries, wat besluit het om nie meer deel van die bestuur te wees nie, gesê.
Gansbaai Wynproegilde, die mees suidelike wynproegilde in die land, is agt jaar gelede op Dinsdag, 11 November 2008 deur wyle Helmie de Vries gestig.
Helmie het as voorsitter tot en met sy afsterwe op 16 Julie 2014 gedien en sedertdien het Gansbaai Wynproegilde net van krag tot krag gegroei.
