Gansbaai Courant

Oupa bemanning maak skoonskip

Oupa bemanning maak skoonskip

Gansbaai Courant

Die bemanning van skipper Ben Uys se boot, Oupa, het behoorlik seewater in Birkenhead Bootklubhengelaars se oë geskop.

Hulle het die mees gesogte trofeë tydens die klub se jaareindfunksie op Saterdag, 19 November 2016 ontvang - dít nadat die boot en die twee seniors tot voor die laaste boothengelkompetisie nog agter was.

Ben Uys, skipper/eienaar van Oupa, is bekroon as algehele bootkampioen (60.59kg), asook vir die tweede beste mans visvangkampioen (59.49kg).

Danie Fourie, op dieselfde boot, palm die trofee vir die algehele visvangkampioen (61.90kg) in en word ook as die sportman van die jaar aangewys.

Die klub se twee juniors, ook op Oupa, Hennie Groene-wald en JP Uys, het ook nie teleurgestel nie. Hennie is vanjaar se algehele junior visvangkampioen (58.9kg) en JP is kort agter hom die tweede juniorkampioen (57.85kg).

“Indien ons die twee juniors na die algehele lys sou oorplaas, sou hulle onderskeidelik die derde en vierde plekke ingeneem het, wat ‘n aanduiding is van hoe goed hulle vaar,” het Philip Fourie, voorsitter van die klub, gesê.

Op sosiale gebied is die Voorsitterstrofee vir Verdienstelikheid aan die egpaar Johan en Suzette Wiese oorhandig en die kroegman, Ralph Gibbs, ontvang die trofee vir sosiale bydrae. Lorraine Fourie, die klubsekretaris, het ‘n yslike ruiker vir haar bydrae op verskeie gebiede gedurende die jaar ontvang, met Maureen en Julie, die kombuispersoneel, wat ‘n honorarium vir hul getroue werk ontvang het.

In totaal is sowat dertien sertifikate vir tweede plekke en agtien trofeë vir eerste plekke in verskillende kategorieë oorhandig.

Oupa bemanning maak skoonskip

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant