Gansbaai Courant

Gansies hou karnaval

Gansies hou karnaval

Gansbaai Courant

‘n Regte egte sirkustent – dít is waaruit die kleuters verbonde aan De Kleine Gansies Kleuterskool hul verversings vanjaar verkoop het. Die vrolike gedoente was deel van hul jaarlikse konsert met ‘n karnavaltema.

Hierdie jaarlikse hoogtepunt sorg ook vir baie vermaak wanneer die kleingoed goedsmoeds vir  hul ouers en oupas en oumas van die verhoog af waai.

Die ander  groot gebeurtenis was die Gr RR’e wat hulle diplomas ontvang het om volgende jaar as Gr R’e na die “groot” skool oor te skakel.

Al dié opwinding het Dinsdag, 22 November 2016 in die Pretoriussaal plaasgevind.

Die 2016 beheerliggaam in samewerking met Lee-Anne Potgieter het besluit dat ‘n karnavaltema perfek sal wees om die skool se dertigste bestaansjaar te vier.

Tipiese karnaval lekkernye, soos springmielies, spookasem, draairoomys en worsbroodjies is vanuit die Gansies se “sirkustent” verkoop.

Altesaam nege skreeusnaakse konsertitems is op skatlike kleuterwyse opgevoer: Paddas kwaak en I'd like to move it move it (2-3 jariges); Ek ry met die trein en Nommers (3-4 jariges); Popcorn en Briljantjies ala DJ  Ossewa styl (4-5 jariges); Gangnam style (al die seuns); My boy lollipop (al die meisies); Die sirkus (al die kleuters).

Die aand is vrolik afgesluit met voorlesings van pittige sêgoed wat dwarsdeur die jaar versamel is vanuit die “finale jaars”-geledere .

Die interim beheerliggaam vir 2016 is onlangs verkies: Johan Gericke (voorsitter), Jolandi Oosthuizen (vise-voorsitster), Annetjie Bauermeister (sekretaresse) en Elzanne Bosch (tesourier). Addisionele bestuurslede is: Juanita Hage, Madelein Swart, Moricco Rudman, Norman Stevens, Sarel Fourie en Theuns Otto.

‘n Nuwe 2017 beheerliggaam sal vroeg in Januarie  gekies word.

De Kleine Gansies se staatmaker skoolhoof, Lanita Marais, behartig steeds die daaglikse bedrywighede van die kleuterskool.

(Foto’s: Tracy van der Linde)

Gansies hou karnaval

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Skelm teer sy pad terug selle toe

Skelm teer sy pad terug selle toe

‘n Ou skelm het Maandag spreekwoordelik in die leeu se bek ingestap toe hy ‘n...

Gansbaai Courant
DICT turns trash into treasure

DICT turns trash into treasure

Annually, the world unites in a coastal clean-up initiative.

Gansbaai Courant
Moedige Carli wys 'duimpie op'

Moedige Carli wys 'duimpie op'

‘n Glimlaggende Carli Swart (7) het Dinsdag, 19 September 2017...

Gansbaai Courant
Korefees gevul met luisterryke lofprysing

Korefees gevul met luisterryke lofprysing

Luisterryke koorsang en lofprysing het die NGK se kerkgebou Sondag...

Gansbaai Courant