Gansbaai Courant

Blog: Vissers sê dankie

Published: 13 February 2017
By:Gansbaai Courant

Die jaarlikse vissermans dankseggingsdienste wat gesamentlik deur alle denominasies in Gansbaai hawe aangebied word,  speel ‘n groot rol in Gansbaai se vissersgemeenskap.

Tydens dié diens word dankie gesê vir ‘n goeie oesjaar op see, asook die veilige bewaring van die skepe en bemanningslede.

Onder begeleiding van die Gansbaai AGS-gemeente se orkes en koor het die lofliedere in Afrikaans en Engels elkeen teenwoordig, diep geraak.

Die begeleiers was Robert Johnson, pastoor Beryll Coetzer, Mariëtte Zeelie, Mike Schröder, Ben Smith en Adri Ehlers.

Na afloop van die musikale lofprysing, het pastoor Frikkie Zeelie van die AGS-gemeente en ds Deon Kloppers van die O.M.G.E.E. gemeente  die toehoorders onderskeidelik in Afrikaans en Engels bedien. 

Altwee leraars se boodskappe het die klem geplaas op God se voorsiening wat op die regte tyd plaasvind – ook almal se veiligheid op see, maar ook dat Hy te alle tye geken moet word.

Pastoor Zeelie sorg  elke jaar na afloop van die hawediens dat die kinders bederf word met lekkernye. Vanjaar was dit Flippie Otto se beurt om die lekkernye uit te deel.  Die opgewondenheid en breë glimlagte van die jongklomp dra altyd by tot die feestelike atmosfeer op die hawe.

Die jaarlikse Vissermans Verootmoedigingsdiens vir die nuwe visvangseisoen, sal  Sondag, 15 Januarie 2017 om 19:00 in Gansbaai hawe aangebied word.

Recent Posts

DAFF konfiskeer 2 ru...
Published: 04 August 2017
By: Gansbaai Courant

Na aanleiding van die gereelde klagtes rakende per...

A huge welcome to ou...
Published: 04 August 2017
By: Gansbaai Courant

The Mammal Research Institute Whale Unit conducted...

James Roux se dood '...
Published: 04 August 2017
By: Gansbaai Courant

‘n Bekende eiendomsagent James Roux van Gans...

Hulle stap vir verlo...
Published: 04 August 2017
By: Gansbaai Courant

Twee ware Dapper Stappers, Tommy Beeslaar (48) en ...