Gansbaai Courant

Blog: Rooisteenbras en geelstert rekords spat in die Suidlig kompetisie

Published: 03 March 2017
By:Gansbaai Courant

Die rekords vir rooisteenbras en geelstert het behoorlik gespat tydens Overberg Boothengelklub se deelname aan die Suidlig kompetisie. Die kompetisie het op 27 en 28 Januarie 2017 te Struisbaai plaasgevind. Drie Overbergbote het ingeskryf: Kingfisher, Scarmax en Waypoint 1.

Twee van Overberg Boothengelklub se hengelaars het ‘n geelstert en rooisteenbras se vorige rekords oortref. Wat in gedagte gehou moet word, is dat slegs liggerei van 6kg lyn in die liga gebruik mag word, wat die rekords ‘n nog ‘n groter prestasie maak.

Piet Wessels het die rooisteenbrasrekord na net oor die 14kg laat opskuif. Tim Twine het nie op hom laat wag nie en verbeter die bestaande rekord vir ‘n geelstert na 13.99kg.

Voorsitter Johan van Zyl het nou wel nie ‘n rekord laat spat nie, maar spog ook met ‘n pragtige geelstert van 8.34kg.

Overberg Boothengelklub se twee juniors het besluit dat tuna die “in-vis” is. Divan Burger en Christoff Dahl het elk ‘n pragtige tuna gevang, met Christoff se tuna wat die skaal na 14.61kg laat aanskuif het.

DP Burger spog met 4 verskillende spesies en dit blyk dat dit sy puntetelling mooi kan laat opskuif.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...