Gansbaai Courant

Blog: Groener weivelde vir Bietoubossers

Published: 07 April 2017
By:Gansbaai Courant

Die Bietoubossers het besluit om tydens hulle byeenkoms van 14 Maart 2017 “na groener weivelde te gaan soek” - by Groeneweide Kwekery.

“Daar aangekom, was dit nie net ‘n gekuier en versnapperinge geniet nie, maar die vroue kon ook leer hoe om hul kustuine bietjie op te kikker,” vertel Elizma de Lange van die Bietoubos Damesklub van De Kelders, Perlemoenbaai en Gansbaai.

Derek Zeller het as gasspreker waardevolle tuinbou kennis met die 42 vroue gedeel.

Die vroue het eenparig gekla oor die arm kusgrond waar hulle moet tuinmaak. “Mulch, mulch, mulch!”, was Derek se eerste reaksie. “Blare, basse, stukkies hout en ook grond-bedekkers kan alles benut word sodat die kusgrond vog kan behou.”

Derek het hulle meegedeel dat die tyd nou reg is om struike te snoei sodat dit in die lente op hul mooiste kan vertoon. Die proses van snoei vir optimum resultate is stap-vir-stap deur Derek verduidelik. Elizma sê die vroue was beïndruk met Derek se vaardigheid met ‘n snoeisker.

Die vroue het ook die voorreg geniet om saam met Derek en Mathilde Roos deur die kwekery te stap waar plante en struike vir verskillende omstandighede aanbeveel is.

Die Bietoubossers se volgende byeenkoms is 11 April 2017 om 10:00. Navrae kan aan Elizma de Lange by 028 384 1963 of 082 511 2743 gerig word.

Recent Posts

DAFF konfiskeer 2 ru...
Published: 04 August 2017
By: Gansbaai Courant

Na aanleiding van die gereelde klagtes rakende per...

A huge welcome to ou...
Published: 04 August 2017
By: Gansbaai Courant

The Mammal Research Institute Whale Unit conducted...

James Roux se dood '...
Published: 04 August 2017
By: Gansbaai Courant

‘n Bekende eiendomsagent James Roux van Gans...

Hulle stap vir verlo...
Published: 04 August 2017
By: Gansbaai Courant

Twee ware Dapper Stappers, Tommy Beeslaar (48) en ...