Gansbaai Courant

Blog: Seeff se wenspan

Published: 12 May 2017
By:Gansbaai Courant

Seeff Country / Pearly Beach se knap agente,  Nelia Muller en Dave Kunneke is in ‘n Vennootskap van 2-eenhede as wenners deur Seeff Suid-Afrika aangewys.

Gesamentlik beskik hierdie twee agente oor meer as 45 jaar se ervaring in die eiendomsbedryf.

Die  voorsitter van Seeff Suid-Afrika, Samuel Seeff, het persoonlik die sertifikate vir uitstaande resultate en puik diens oorhandig.

Nelia sê die vennootskap vier in Julie vanjaar sy tweede verjaardag. Dave Kunneke (wat sedert 1985 in die eiendombedryf is) het in 2015 die kantoor  onder die lisensiehouer, Cornie Swart,  in Pearly Village vir Seeff Country geopen.

“Verkope was  van die begin af belowend, maar dit was duidelik dat baie mense, asook Kaapenaars, nog nooit van Pearly Beach gehoor of besoek het nie,” het Nelia gesê. “Ons word dikwels met Shelly Beach in KwaZulu-Natal verwar.”

Nelia is sedert 2004 in die eiendomsbedryf en het in Desember 2015 by Seeff aangesluit. By die vorige agentskap waar sy werksaam was, het Nelia 9 uit 11 “Agent van die Jaar” Toekennings verwerf.

Intussen het Dave en Nelia ‘n uitstekende vennootskap opgebou en sodanig uitgeblink dat hulle tydens die Jaarlikse Seeff Toekennings in die Paarl met vyf toekennings weggestap het, onder andere 1ste vir die meeste verkope in die Suid-Kaapstreek en 2de vir die meeste verkope Nasionaal vir Seeff. Nelia is bekroon vir voortreflike diens en die meeste verkope deur ‘n nuweling by Seeff.

Dave en Nelia meen dat Pearly Beach steeds goeie beleggingswaarde bied vir Kaapenaars wat net vir ‘n naweek uit die stad wil wegbreek, asook mense wat na bekostigbare aftreehuise op soek is.

“Ons strande is die mooiste in die Suid-Kaap en besoekers kan gerus na ons mooi landelike omgewing en ongerepte dorpie kom kyk.”

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...