Gansbaai Courant

Blog: Fotografieklub is oorlaai met opwinding

Published: 07 July 2017
By:Gansbaai Courant

Gansbaai Fotografieklub se inisiatiewe om byeenkomste en uitstappies interessant, insiggewend en ook gesellig te maak, ken geen perke nie. Met Veronica du Plessis as voorsitter en die res van haar bestuurspan is daar geen einde aan opwinding nie. Die onlangse naweekuitstappie na Wortelgat by Stanford was maar een van baie geleenthede wat vanself spreek.

Wortelgat uitstappie

Wat ‘n naweek was 9 tot 11 Junie by Wortelgat, Stanford nie! Veronica, die klub se voorsitter, het geen moeite ontsien om die naweek so aangenaam as moontlik te maak nie - en Veronica mag maar kos maak ook - dit was ‘n naweek van “eet tot jy bly lê”!

Die naweek was gefokus om ‘n werkswinkel oor stillewe- en tekstuurfotografie na aanleiding van Marc en Veronica du Plessis  se teorielesings oor die onderwerp, maar dit was ook die ideale tyd vir lede om mekaar beter te leer ken.

Vir die stillewefoto’s is die groep in twee spanne verdeel, maar met die neem van tekstuurfoto’s was elke lid op sy eie inisiatief aangewese.

Goeie foto’s is geneem en die wenners is met lekker “tjoklits” as pryse bederf!

Die 10 fotograwe en gaste wat van die naweekuitstappie ‘n gesellige sukses gemaak het, is Marc en Veronica du Plessis, Riaan en Dorothea Jacobs, Christo en Annette Wessels, Schalk en Miemie Pienaar, Hardus Botha en Nelleke Ferreira.

Greyton uitstappie

Die tien fotograwe van Gansbaai Fotografieklub wat Greyton Saterdag, 6 Mei 2017 besoek het, het ten doel gehad om herfslandskappe te fotografeer wat tydens ‘n volgende byeenkoms beoordeel is.

Die groep wat die dag in Greyton deurgebring het, was Jane en Genevieve Bailey, Nelleke Ferreira, Marc en Veronica du Plessis, Vera Swart, Christo Wessels, Annetjie Visagie, Riaan Jacobs en Piet Visagie.

“Fantastic camera”

Sam Haskins once said: “A photographer went to a socialite party in New York.

As he entered the front door, the host said: ‘I love your pictures; you must have a fantastic camera.’ The photographer said nothing until dinner was finished, then he said: "That was a wonderful dinner; you must have a terrific stove!"

Kom sluit aan!

Recent Posts

DAFF konfiskeer 2 ru...
Published: 04 August 2017
By: Gansbaai Courant

Na aanleiding van die gereelde klagtes rakende per...

A huge welcome to ou...
Published: 04 August 2017
By: Gansbaai Courant

The Mammal Research Institute Whale Unit conducted...

James Roux se dood '...
Published: 04 August 2017
By: Gansbaai Courant

‘n Bekende eiendomsagent James Roux van Gans...

Hulle stap vir verlo...
Published: 04 August 2017
By: Gansbaai Courant

Twee ware Dapper Stappers, Tommy Beeslaar (48) en ...