Gansbaai Courant

Blog: Dinge gebeur in drieë by White Shark Junction

Published: 07 July 2017
By:Gansbaai Courant

Snippets Haarsalon wat totaal verwoes is toe ‘n deel van die dak van die Great White Junction afgewaai het, se deure kon Vrydag in ‘n splinternuwe lokaal in dié sentrum oopgestoot word.

Gansbaai Courant se verslaggewer het grappenderwys daarna verwys dat dinge mos in drieë gebeur en dat hulle versigtig moet wees.

“Maar die dak was die derde ding wat gebeur het,” het Chantell Gericke, eienares van Snippets gesê.

Die eerste gebeurtenis was klerediefstal by Cee Sport & Surf waar die skelm, wat toe reeds ‘n klagstaat vir sy inhegtenisname teen hom gehad het, slinks met klere by die winkel uit verdwyn het.

Die eienares, het hom agternagesit en haar arm in die proses beseer toe sy die klere wou teruggryp terwyl die skelm reeds in ‘n wegkommotor ingespring het.

Die tweede voorval was toe ‘n gedeelte van die sentrum se dak tydens die storm op Woensdag, 7 Junie ineengestort het.

Die derde voorval het verlede Dinsdagnag, 20 Junie plaasgevind toe twee sekuriteitswagte aan steierwerk vasgebind is en daar by die Wimpy ingebreek is.

Die vrolike personeel van Snippets was druk besig tydens hul eerste dag van heropening en hoog in hulle noppies met hulle ruim, nuwe haarsalon in allerlei skakerings van grys.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...