Gansbaai Courant

Blog: Eddie woeker met sy talent

Published: 28 July 2017
By:Gansbaai Courant

Eddie Barnard (75) met sy eenman-orkes, One Man Band van Franskraal, boer nou vooruit met sy CD’s wat hy vrystel.

Op Vrydag, 14 Julie 2017, sowat 4 dae na sy 75ste verjaardag, het Eddie sy 3de, 4de en 5de CD sommer op dieselfde dag tydens sy optrede by die Woekermark vrygestel: Gospel & Love Songs (20 liedere), waaronder Amazing Grace, Why me Lord en Nearer my God to Thee; Old Time Favourites (19 liedere), waaronder Power of Love, Forty Days en Pretty Belinda; Oom Eddie vertel lekker lag-stories (20 lagstories), waaronder Oom Piet en die Windpomp en Hakkel & Boggel.

Eddie se vorige twee CD’s wat hy vrygestel het, is Perlemoen (21 liedjies) in 2009 en Suzuki’s van die Overberg (21 liedjies) in 2012.

Hierdie talentvolle musikant (sang, klawerbord, kitaar, klavier en selfs mondfluitjie) is reeds vir jare alombekend tydens dorpsfeeste, funksies, verjaardae en basaars.

Tydens die vrystelling van die CD’s, het Eddie onder andere gesê: “Ek tree al sowat 7 jaar tydens Vrydae se Woekermarkte op - miskien sal ek maar aanhou tot ek 100 jar oud is!”

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...