Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Polisiemanne is verslae na die skielike dood van ‘n geliefde 40-jarige kollega van die Gansbaai SAPD Uniformtak.
Toe sers Henry Marais nie Dinsdagoggend vir sy skof opdaag nie, het sy kollegas na sy tydelike woonplek in Perlemoenbaai gery om te gaan kyk waar hy is. Dit was buite sy aard om laat te wees.
Sers Marais is in ‘n ernstige toestand aangetref en die noodambulansdiens is ontbied. Hy is gestabiliseer en in die Hermanus MediClinic opgeneem.
Sers Marais is dieselfde nag oorlede. Die vermoede bestaan dat hy ‘n beroerte aanval gehad het, maar teen druktyd kon dit nie bevestig word nie.
Henry het by sy ouma in Riviersonderend gebly, maar het ook ‘n tydelike woonplek in Perlemoenbaai gehad wanneer hy nie kans gesien het om heen en weer te ry nie.
Henry is reeds sedert September 2003, bykans 14 jaar, deel van die Uniformtak in Gansbaai. Hy is as student hier aangestel en op 28 Mei 2004 na die rang van konstabel bevorder. In Desember 2013 word hy bevorder na die rang van sersant waar hy in die Misdaadvoorkomingsafdeling werksaam was.
Henry het verskeie toekennings tydens sy diensjare ontvang, onder andere: 10 jaar diens (27 Januarie 2005); Sokker Wêreldbeker Ondersteuningsmedalje (31 Augustus 2012) en die SAPD Lojale Diensmedalje (17 September 2013).
Gedurende die FIFA sokker-toernooi was hy met spesiale dienste betrokke.
Henry was bekend as ‘n lojale, pligsgetroue, hulpvaardige en vriendelike polisieman en was deurgaans trots op sy netjiese uniform en werk.
Henry laat sy ouma en sy 3-jarige seuntjie, Hayden vir wie hy gelewe het na. Geen begrafnisreëlings kon nog bevestig word nie.
Geskokte en verslae SAPD-lede is diep emosioneel geraak deur sy onverwagse dood.
Kapt Gerda Groenewald het haar dank en waardering uitgespreek teenoor almal wat Dinsdag voor en na Henry se afsterwe betrokke was.
Sy sê dat Henry ‘n groot leemte in Gansbaai se polisiestasie en gemeenskap laat.
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read More‘n Ou skelm het Maandag spreekwoordelik in die leeu se bek ingestap toe hy ‘n...
Annually, the world unites in a coastal clean-up initiative.
‘n Glimlaggende Carli Swart (7) het Dinsdag, 19 September 2017...
Luisterryke koorsang en lofprysing het die NGK se kerkgebou Sondag...
39 rommelrowers het Saterdag deel uitgemaak van Internasionale Kus Opruimdag.
Die Suid-Afrikaanse Astronomiese Observatorium (SAAO) in Kaapstad bied reeds die afgelope paar jaar...