Gansbaai Courant

Kelpmeeu van gewisse dood gered

Kelpmeeu van gewisse dood gered

Gansbaai Courant

Die kelpmeeu, vasgestrengel in vislyn, wat langs die hawemuur van ‘n gewisse dood gered is

 ‘n Kelpmeeu is verlede week langs die hawemuur wat vanaf Gansbaai Kara-vaanpark see toe strek, van ‘n gewisse dood gered.

Een van die twee gereelde stappers op die twee hawe-mure, Anita Botha, het die kelpmeeu langs die muur tussen die rotse sien spartel en onraad vermoed. Sy en haar eggenoot het ondersoek ingestel en op die pragtige seevoël afgekom wat beslis vir ‘n lang tyd daar gelê en spartel het - met etlike meters vislyn wat sy pote aanmekaar “gebind” het van die gespartel, asook twee groot vishoeke en ‘n loodgewiggie, met die vislyn wat ook reeds om altwee vlerke gedraai was. Anita het ‘n skêr in die motor gaan haal en ‘n tydsame proses het gevolg waar die vislyn stukkie vir stukkie en versigtig losgeknip is.

Een van die vislynhouers van Dyer Island Conservation Trust langs die kus waarin vislyn en -hoeke gegooi kan word

“Die knapie was nogal moeilik en heel behendig met sy snawel, maar ek kon gelukkig daarin slaag om hom te bevry sonder dat ek stukkend gebyt is - terselfdertyd was ek daarvan oortuig dat ek tog dankbaarheid in sy verwarde oë bespeur het,” vertel Anita. Sy sê dit was duidelik dat hy nie te erg beseer was nie, behalwe dat hy, waar hy “vasggebind” half onder die rotse gelê het, beslis gedurende die nag sou verdrink het. Daar was wel bietjie bloed aan sy bene waar die vislyn begin insny het. Die kelpmeeu is daarna vrygelaat en het sonder aarseling weer sierlik die lug ingeklief.

Hierdie enkele insident plaas net weer eens die klem op die gevare wat nalatigheid en onverantwoordelike optrede met vislyn en -hoeke vir die mariene-lewe inhou. Hengelaars word versoek om Dyer Island Conservation Trust (DICT) se Vislynher-winningsprojek te ondersteun.

Om meer te weet van hierdie projek, kan DICT se webtuiste, www.dict.org.za besoek word. Hulle kan ook by 082-907-5607 gekontak word, of stuur ‘n e-pos aan hulle by info@dict.org.za.

Hardus Botha


 

Kelpmeeu van gewisse dood gered

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Otto Bylmoord hervat

Otto Bylmoord hervat

Die staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...

Gansbaai Courant
Fraternal ontbyt

Fraternal ontbyt

Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.

Gansbaai Courant
VLV Nuus

VLV Nuus

Vertrou dat almal  'n baie geseënde Paasfees gehad het en dat almal uitsien na die laaste langnaweek.

Gansbaai Courant
DA Shows Its Multi Coloured Coat

DA Shows Its Multi Coloured Coat

The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).

Gansbaai Courant