Gansbaai Courant

Blog: Huisrower Swaar gestraf

Published: 05 December 2013
By:Francois de Jongh

'n Huisrower wat na 'n mensejag van 10km in digte bosse naby die Plaat aangekeer is, is verlede week in Hermanus Streekshof deur Landdros Mouton tot 20 jaar tronkstraf gevonnis.
Tandile Maqume (29) (regs) het Maandagoggend, 1 Desember 2012 om 02:00 by Ds Peet Neethling se huis by Melkhoutpark, De Kelders, ingebreek terwyl Neethling besig was om op sy skootrekenaar te werk. Hy is twee keer met ‘n skerp voorwerp oor die kop geslaan en sy skootrekenaar is gesteel. Daar is kort daarna by nog twee huise in die omgewing ingebreek en twee polisiebeamptes, Sers Frans Groenewald en Konst Henry Marais, het die verdagte se voetspore deur die veld tot naby Grootbos gevolg. Hy is daar deur die soekspan, wat A/O Jackie Hildebrand se skof, asook Spr Kapt Danie Rautenbach ingesluit het, vasgekeer.
Hy het tydens sy arrestasie 'n vals naam gegee deur te sê hy is Sonwabo Melane. Daar is egter later deur sy vingerafdrukke vasgestel dat hy eintlik Tandile Maqume is. Hy was tydens die huisroof op parool nadat hy in April 2011 tot 7 jaar tronkstraf, waarvan 3 jaar opgeskort was, vir manslag gevonnis is. Hy het 'n man in 'n swart woonbuurt in Hermanus doodgeskiet. Korrektiewe Dienste het hom egter na slegs 'n jaar tronkstraf op parool vrygelaat.
Francois de Jongh
 

Recent Posts

Otto Bylmoord hervat
Published: 01 May 2014
By: Francois de Jongh

Die staat se laaste twee getuies in die bylmoor...

Fraternal ontbyt
Published: 01 May 2014
By: Hardus Botha

Gansbaai Ministers Fraternal het onlangs, onder le...

VLV Nuus
Published: 01 May 2014
By: Gansbaai Courant

Vertrou dat almal  'n baie geseënde Paas...

DA Shows Its Multi C...
Published: 01 May 2014
By: SSMA Fanie Krige

The misconception that the Democratic Alliance is ...